2 мин

Дэлхийн хамгийн хүйтэн 9 орны жагсаалтад Монгол оржээ

Э.Хулан 2017.11.28

Өнөөдөр өглөө Улаанбаатар хотод Цельсийн -28 градусыг зааж байв. Ес эхэлсэн дүн өвлийн хүйтэн болоход нэг сар дутуу байхад голд хүйт ортол салхи үлээн хүйтэрчээ. Тэгвэл Монгол Улсыг дэлхийн хамгийн хүйтэн 9 орны жагсаалтад www.skymetweather.com цахим хуудас оруулжээ.

1. Антарктик

Антарктик бол ямар ч эргэлзээгүйгээр дэлхийн хамгийн хүйтэн орны нэг. Хамгийн хүйтэн үедээ Цельсийн -90 хэмд хүрдэг. Мөн цасан манхнаараа алдартай.

2. ОХУ

Орос хүмүүсийн хувьд дүн өвлийн хүйтнийг давж гарах байгалийн том шалгууртай нүүр тулдаг. Өвлийн улиралд Цельсийн -40 хэм хүртэл хүйтэрдэг. Зуны сүүл сард заримдаа хасах хэмд шилжих нь бий. Тиймээс ОХУ нь дэлхийд хоёрдугаарт жагсах хүйтэн орон юм.

3. Гренланд

Энэ нутгийн цаг агаар дунджаар Цельсийн -9 хэмд хэлбэлздэг. Харин зун хамгийн халуун үедээ Цельсийн 7 хэм болж дулаардаг.

4. АНУ

Жихүүцэл төрөм хүйтэн салхи АНУ-д үлээдэг. Тус улсын Аляска мужид Цельсийн -60 хэмд хүрдэг юм.

5. Исланд(Iceland)

Энэ нутгийн нэр нь хүртэл ямар хүйтэн орон болохыг илтгэнэ. “Iceland” буюу мөстсөн нутаг гэсэн утгатай энэ газарт өвөл, зун ялгаагүй л хүйтэн байдаг.

6. Казахстан

Заримдаа хүйтэн бороо, цастай холилдож ордог энэ нутаг дэлхийн хамгийн хүйтэн цаг агаартай орны нэг мөн.

7. Финлянд

Өвлийн дөрвөн сарын хугацаанд цасаар хучигддаг энэ оронд Цельсийн -20 хэм хүртэл хүйтэрдэг.

8. Эстони

Дэлхийн хамгийн хүйтэн орнуудын нэг болсон энэ нутагт амьдарна гэдэг амаргүй. Энд ордог бороо хүртэл хүйтэн.

9. Монгол

Монголын цаг агаар өвлийн улиралд ихэвчлэн Цельсийн хасах хэмийг заадаг. Өдрийн цагт Цельсийн -20 градустай байх нь хэвийн үзэгдэл. Дөрвөөс аравдугаар сард дулаахан байдаг.

Эх сурвалж:www.skymetweather.com