Пак Бу Рам, Со Ин Гүг нар болзож байгаагаа мэдэгдлээ
“Superstar K” шоунаас төрсөн хоёр дуучин үерхэж байгаа аж.
Соло дуучин 23 настай Пак Бу Рам болон дуучин, жүжигчин 30 настай Со Ин Гүг нарыг болзож байгаа тухай цуу яриа тархаад байна.
KST-гээс “Superstar K” шоунаас төрсөн хоёр дуучин өнгөрсөн жил гаруйн хугацаанд болзож байгааг өнөөдөр мэдээллээ. Тэдний нууц болзоо хэвлэл мэдээллийнхэнд өртсөн бөгөөд өнгөрсөн аравдугаар сард Пак Бу Рамын ээж нас барахад Со Ин Гүг түүнд анхаарал тавьж, сэтгэл санааны дэмжлэг үзүүлжээ.
Болзооны тухай цуурхал тарсны дараа, дуучдын харъяалагддаг агентлагуудаас тэдэнтэй холбогдож, үнэн эсэхийг тодруулна гэсэн аж. Үүний дараа Со Ин Гүгийн харъяалагддаг “BS” компаниас “Со Ин Гүг, Пак Бу Рам нар болзож байгаа нь үнэн” гэж мэдэгдсэн байна.
Харин Пак Бу Рамын харъяалагддаг “CJ E&M” агентлагаас одоог хүртэл “Бид үүнийг цуурхал гэж үзэж байна” гэсэн хариу өгч байгаа юм. Мэдээлэл хэрхэн шинэчлэгдэхийг хүлээх л үлдлээ.