Ажлын байрандаа шинэ жилийн уур амьсгал оруулах СОДОН АРГУУД
Ажил дээрээ ч эрч хүчтэй, догдлонгуй орчныг бүрдүүлээрэй.
1. Жижиг чамин эд зүйл байрлуулах
Жижиг гэлгүй баярын уур амьсгал агуулсан цаг, гацуур, бөмбөлөг гээд хүссэн зүйлээр ширээ, тавиураа гоёорой. Нүдэнд хамгийн их өртөх газраа л бяцхан уур амьсгал оруулснаар өдрийн турш эрч хүчтэй, догдлонгуй ажиллах болно.
Цонх, сул самбарыг ч гоёмсогоор чимэглээрэй.
Эсвэл тэр чигт нь чимэглэвэл бүр ч янзтай!
2. Гацуур бүтээх
Үнэтэй, чамин гацуураас илүү уран сэтгэмжээрээ гоёмсог гацуур урлаарай.
Эсвэл "Номон гацуур" ч хийж болох юм.
3. Гар аргаар чимэглэл хийх
Өөрийн гараар чимэглэл хийж ажлын газраа амилуулаарай. Хамт олон тань баярлах нь гарцаагүй. Гэхдээ урьдчилан дарга, захиргаанаасаа зөвшөөрөл авахад илүүдэхгүй.
4. Ил захидлын самбар бүтээх
Хамт олныхоо хүн бүрийн нэрийг бичсэн самбар бүтээгээрэй. Ярилцаж тохиролцон хэнийг ч үлдээхгүй байхаар хийх хэрэгтэй. Үүнд хүн бүрийн нэртэй дугтуй байх бөгөөд шинэ оны баярын үдэшлэг хүртэл баярлаж талархдаг хүндээ жижиг ч хамаагүй ил захидал хийн шургуулна. Захианы дугтуйг хэн нэгэн “хакер”-даж болохооргүй хийх нь хамгийн чухал. Ингээд шинэ жилийн баярын үдэш хүн бүр өөрийн нэртэй, богц дүүрэн ил захидал хүлээн авах болно.
5. Хаалгаа чимэглэх
Ажлын байрны хамгийн идэвхтэй бүс хаалга биш гэж үү? Баярын уур амьсгал төрүүлсэн, халуун дулаан мэдрэмж өгөхөөр чимээрэй.
6. “Нууц биш монита”
Ажлын байран дээр Монита зарласан уу? Хэрвээ тийм бол зөвхөн өөрийн монитад гэлгүй, нийт ажлынхандаа бяцхан бэлэг бариарай. Жижигхэн лаа, дотно үгтэй ил захидал, амттан гээд юу ч байж болно. Хамгийн чухал нь “жинхэнэ” монитагаас ялгагдахуйц ил тод байх хэрэгтэй. Шинэ өдрийг угтан ирэхэд ширээн дээр бяцхан бэлэг хүлээж байгааг хараад тэд баярлах нь гарцаагүй.
7. “Шинэ жилсэг" хувцаслах
Ажлын дүрэмт хувцас өмсөх хэрэгцээгүй бол хүссэнээрээ цаа буга, цасан ширхэгтэй хувцсаар гоёорой. Харин дүрэмт хувцастай бол жижиг чимэглэл, нөмрөг гээд аль болох уур амьсгал төрүүлэхүйц хувцаслаж, хумсаа будсан ч болох юм.
8. Гоё аяга авах
Шинэ оныг угтан өөртөө зориулан “дэгжин” аягатай болоорой. Баярын өдрүүдэд халуун кофе, уух зүйлээ ч таатай нь аргагүй уух сайхан биш гэж үү?
9. “Сэтгэл гаргах”
Шинэ жилийн баяр гэр бүлийн баяр гэж тодорхойлогддог ч ажлын хамт олон ч амьдралын чухал хэсэг. Тиймээс тэдэнд үнэхээр “гайхмаар” бэлэг барихыг хүсвэл өвлийн өвгөн, цасан охины дүрд хувилан хүн бүрийг баярлуулаарай. Тэд насан туршдаа таныг марталгүй дурсах болно. Хэн нэгэнтэй хамтрах, ганцаараа зохион байгуулах гээд аль болох “сэтгэлээсээ” л байхад хангалттай. Сэтгэлд дотно эсвэл хүнд бэрх амьдралтай хамтран ажиллагчийнхаа хүүхдүүдэд бэлэг өгөх, эсвэл зүгээр л мэндчилгээний ил захидал бэлэглэх зэргээр онцгой сэтгээрэй.
10. Ирээдүйд хаяглах "ажил мэргэжлийн амжилтын" захидал
Хамт олноо уриалан жилийн дараах өөртөө хандан захидал бичихийг хүсээрэй. Гэхдээ зөвхөн ажил мэргэжлийн хувьд юм шүү. Үгүй бол цаг уртсаж, сунжирч мэдэх юм. “Жилийн дараа тушаал дэвшсэн байна”, “Төлөвлөгөөгөө давуулан биелүүлнэ”, “Олон улсын семинарт явна” зэргээр өөрийгөө жилийн дараа ямар байхыг хүсч буйгаа хүн бүр бичнэ. Ингээд ахлах, эсвэл зохион байгуулагч бүгдийг хураан авч, нэг хайрцаг битүүмжлэн хийнэ. Жилийн дараа захидлаа уншихаар тохироод аль болох хүний нүдэнд харагдахгүй газар хадгалж, мартах хэрэгтэй. Удирдагч, менежерүүдийн хувьд ажил мэргэжлийн хүсэл сонирхлыг сэргээх сайхан арга байх болно.