Хайх зүйлээ бичнэ үү

1 мин

Банкнаас бусад санхүүгийн салбарт ОУВС-ын зөвлөхүүд үнэлгээ хийж байна


Санхүүгийн зохицуулах хорооны дарга С.Даваасүрэнгийн урилгаар ОУВС-гийн зөвлөх Филип Жонсон, Мими Хо нар манай улсад ажиллаж байна. Зөвлөхүүд энэ долоо хоногт багтаан санхүүгийн зохицуулагч байгууллагын чадавхыг бэхжүүлэх төслийн урьдчилсан судалгааг хийж, одоо байгаа чадавхыг үнэлэн, сайжруулахад шаардлагатай техникийн туслалцааг тодорхойлох юм.

Зөвлөхүүдийн судалгааны ажлын эхэнд Хорооны дэд дарга Д.Баярсайхан тэдэнтэй уулзаж, банкнаас бусад санхүүгийн салбарын ерөнхий төлөв, зохицуулалт, хяналт шалгалтын үйл ажиллагааны цар хэмжээ, далайцыг цаашид нэмэгдүүлэх шаардлага, байгууллагын бодлого, стратегийг танилцуулав. Сүүлийн жилүүдэд хурдацтай өөрчлөгдөн, дэвшилтэт технологи, шинэ бүтээгдэхүүн үйлчилгээгээр баяжихын зэрэгцээ оролцогчдын тоо огцом нэмэгдэж буй санхүүгийн салбарт хүртээмжийг нэмэгдүүлэх, хэрэглэгчдийн эрх ашгийг хамгаалах бодлого түлхүү тавигдаж буй юм. Иймд банкнаас бусад санхүүгийн зах зээлүүдийн зохицуулалт, бодлогын удирдлага болон хяналт шалгалтын тогтолцоо, хүчин чадлыг нэмэгдүүлэх, боловсронгуй болгож сайжруулах шаардлага зүй ёсоор урган гарч байна.

Ноён Филип Жонсон, хатагтай Мими Хо нар урьд өмнө манай улсад удаа дараа ирж ажиллаж байсан туршлатай зөвлөхүүд юм. Тэд дээр дурдсан хугацаанд Хорооны нийт газар, нэгжийн ажил, ачаалал, хүчин чадал болон гүйцэтгэлийн чанар зэргийг судлахын зэрэгцээ банкнаас бусад санхүүгийн салбаруудад үйл ажиллагаа явуулж байгаа зохицуулалтын байгууллагуудын төлөөлөлтэй уулзаж, үнэт цаасны, даатгалын, банк бус санхүүгийн, хадгаламж, зээлийн хоршооны зах зээлд тулгамдаж байгаа асуудал, шийдвэрлэх арга замын талаар санал солилцоно.

холбоотой мэдээ
1
11 цагийн өмнө
"Монгол мафитай байх, үгүйд л төр хариулт өгөх гээд байгаа юм"
2
3 өдрийн өмнө
“Тендерийн” хуулийн 24 дэх өөрчлөлтийг дэмжлээ
3
2019.03.08
Гэрэг: Humans of Ulaanbaatar
санал болгох
1
11 цагийн өмнө
Хаяж, үрэгдүүлсэн иргэний үнэмлэхийг онлайнаар захиалах боломж бүрдлээ
2
12 цагийн өмнө
Фэйсбүүк мессенжерт тухайлсан нэг зурваст хариу бичих боломжтой болжээ
3
Өчигдөр
Инди дуу сонирхогчдод: Дуртай дуугаа олох шилдэг 5 САЙТ

Энэ мэдээнд өгөх таны сэтгэгдэл?
34
39
45
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.