2 мин

TIME сэтгүүлийн "ОНЫ ОНЦЛОХ ХҮН"-ээр "MeToo" хэштаг шалгарлаа

#MeToo хэштагийн манлайлагч эмэгтэйчүүд шалгарсан байна.

2017.12.07 47 39 36

6

“Time” сэтгүүл жил бүр “Оны онцлох хүн”-ийг шалгаруулан, түүний дэлхий дахинд үзүүлсэн нөлөөллийг онцолдог уламжлалтай. Тэгвэл энэ оны хувьд бэлгийн хүчирхийллийн эсрэг #MeToo хэштагийн аяныг идэвхтэй өрнүүлэн, олон нийтийг нийгмийн анхаарлаас далд оршсоор байсан хүчирхийллийн эсрэг тэмцэхэд уриалан манлайлсан 5 эмэгтэй шалгарсан байна.

Жүжигчин Эшли Жадд, дуучин Тайлор Свифт, жүжигчин, загвар өмсөгч Роуз МакГоун, “Uber” компаний инженер Сьюзан Фаулер, хүний эрхийн төлөө тэмцэгч Адама Иву, Мексикийн тариаланч Изабель Паскуаль нар “Time” сэтгүүлийн нүүрийг чимжээ. 

“MeToo” буюу "Би ч бас" хэштаг нийгмийн сүлжээн дэх бүх цаг үеийн хамгийн хурдтай, нөлөө бүхий аян боллоо. Хүйсээс үл хамааран хүний эрхийн талаар нийгэмд үзүүлсэн эерэг өөрчлөлтийг бүтээн байгуулсан тул тэднээр бахархууштай гэж “Time” сэтгүүлийн эрхлэгч Эдвард Фелсенталь хэлсэн байна. Кино продюсер Харви Вайнштейн хамтран ажиллагч охид эмэгтэйчүүддээ удаа дараа бэлгийн дарамт учруулдаг байсан талаарх хэрэг энэ оны аравдугаар сарын 5-ны өдөр олонд дэлгэгдсэн. Үүний дараа 50 гаруй эмэгтэйчүүд Вайнштейны бэлгийн дарамт үзүүлдэг нь үнэн болохыг гэрчилсэн юм. 

Ингээд уг хэргээс улбаалан олон мянган хохирогчид "Би ч бас" аянд нэгдэн, өөрт тохиолдож байсан дарамт, шахалтыг ил тод илэрхийлснээр олон нийтийн анхаарлыг татаж, олон улсад бэлгийн хүчирхийлэл, далд хэлбэрийн дарамтын талаар олон төсөл хөтөлбөр хэрэгжүүлж эхлээд байна. 

"MeToo" хэштаг нийгмийн сүлжээнд 24 цагийн дотор 32 мянган хариу сэтгэгдэл авч, 85 улсын өнцөг булан бүрээс бэлгийн дарамтад өртөж байсан эмэгтэй, эрэгтэй хохирогчид санаа бодлоо дамжуулжээ. 

“Хэштаг” бол мэдэгдэл, анхааруулга. Харин үүнээс санаа сэдэл аван дэлхий нийтээрээ энэхүү ёс бус, бурангуй байдалтай тэмцэж чадна” гэж эмэгтэйчүүд үзжээ. Энэ жилийн “Чимээгүйг эвдэгчид” багийнхан “Time” сэтгүүлийн нэг биш хүнээс бүрдсэн “Оны онцлох хүн” юм. Өмнө нь 1966, 2002, 2006 онуудад  “Оны онцлох хүн"-ээр нэг хэсэг хүмүүс шалгарч байсан түүхтэй.  

“Time” сэтгүүл 1950 он хүртэл “Man of the year” буюу зөвхөн эрэгтэй хүнийг туханй жилийн нөлөө бүхий эрхмээр шалгаруулдаг байсан бол 1999 оноос “Person of the year” гэж өөрчилснөөр эмэгтэйчүүд ч шалгарах боломжтой болсон байна. 

2017.12.07

6