НҮБ-ын БНАСАУ-ын эсрэг хоригийг Монгол зөрчжээ
20 орон Хойд Солонгосын хөлөг онгоцыг өөрийн улсын нэр дээр бүртгүүлж, ачаа бараа тэээвэрлэхэд нь тусалжээ.
Цөмийн туршилт хийх, пуужин харвах зэргээр бүс нутгийн аюулгүй байдлыг байнга үймүүлж байгаа Хойд Солонгос улсын эсрэг НҮБ-иас хориг тавьсан билээ. 2014 оны гуравдугаар сараас 2017 оны есдүгээр сарын хооронд энэ хоригийг нийт 49 орон зөрчсөнд манай улс багтжээ. CNN агентлагийн мэдээлснээр зөрчигчдийн дотор Хятад, Герман, Бразил, Энэтхэг, Франц улсууд байна. Ангол, Куба, Мозамбик, Танзан, Иран, Шри-Ланк, Мьянмар, Сири зэрэг 13 улс Хойд Солонгостой цэргийн салбарт түншүүд байсан юм.
49 орноос 44 нь Хойд Солонгост ашмгт малтмал, хориотой бараа нийлүүлэх хоригийг зөрчсөн байна. 20 орон Хойд Солонгосын хөлөг онгоцыг өөрийн улсын нэр дээр бүртгүүлж, ачаа бараа тэээвэрлэхэд нь тусалжээ.
Хоригийг зөрчсөн орнууд: Ангол, Барбадос, Бразил, Болгар, Вьетнам, Грек, Египет, Этиоп, Хятад, Камбож, Кирибати, Коста-Рика, Малайз, Маршал арал, Мексик, Монгол, Намиби, Герман, Энэтхэг, Ирланд, Иран, АНЭУ, Палау, Панам, Перу, Пакистан, Польш, Румын, ОХУ, Сальвадор, Сингапур, Сьерра-Леон, Судан, Сири, Шри-Ланка, Танзан, Таиланд, Того, Филиппин, Фижи, Франц.
Наймдугаар сарын 11-нд НҮБ-иас Хойд Солонгосын эсрэг шинэ хориг гаргасан. Энэ хоригоор НҮБ-ын гишүүн орнуудад байгаа тус улсын компаниудыг 120 өдрийн дотор хаах ёстой юм.