Флойд Мэйвэдер Оросын иргэн болно
Хүйтнээс айсан Флойд Орост ирэхдээ нэлээд зузаан хувцасласан байлаа.
Америкийн боксчин, мэргэжлийн боксын домог, ялагдашгүй аварга Флойд Мэйвэдер ОХУ-д ажлын айлчлал хийж байна. Флойд “Россия 24” сувагт ярилцлага өгөхдөө ОХУ-ын иргэн болох сонирхолтой байгаагаа илэрхийлжээ.
Тэрбээр “Иргэншил авах цагаа тэсэн ядан хүлээж байна. Өнөөдөр би хэд хэдэн байр үзлээ. Орост амьдрах байраа хайж байна” гэж ярьсан юм. Хүйтнээс айсан Флойд Орост ирэхдээ нэлээд зузаан хувцасласан байлаа.
Флойд ОХУ-д бизнес эрхлэх сонирхолтой байгаа гэнэ. Өнгөрсөн наймдугаар сард тэрбээр холимог тулааны од Конор МакГрегорыг ялаад Мэйвэдер 300 сая гаруй доллар олсон юм.
Америкийн өөр нэгэн боксчин Рой Жонс 2015 онд Оросын иргэн болсон билээ.