Михаил Алоян мэргэжилд 3 тоглохдоо 2 холбооны аварга болов
Алоян WBA International аваргын бүстэй боллоо.
ОХУ-ын мэргэжлийн боксчин Михаил Алоян өнгөрсөн Бямба гарагт Кемеровод болсон тэмцээний үеэр мэргэжлийн рингэнд 3 дахь тоглолтоо хийлээ. Түүний өрсөлдөгч нь Никарагуагийн Эрмохенес Кастильо байсан бөгөөд Алояны эсрэг юу ч хийж чадсангүй.
Ингэснээр Алоян WBA International аваргын бүстэй боллоо. Түүнийг удахгүй WBA холбооны хөнгөн жингийн 53,5 кг-ийн жингийн жинхэнэ аварга болно гэж Оросын мэргэжилтнүүд үзэж байна. Тэрбээр дараагийн тоглолтоо ирэх жилийн хоёрдугаар сарын 3-нд Сочид хийх юм. Оросын промоутер Андрей Шкаликов “Алоян сонирхогчдын боксын туршлага, ур чадварынхаа ачаар яллаа. Алоян энэ жинд дэлхийн аварга болох ёстой. Цаашдаа мексикчүүдтэй тоглож эхэлнэ. Гэхдээ хурд, техник, тактикаар манай тамирчин илүү” гэж ярьсан байна.
Миша Алоян өнгөрсөн долоодугаар сард мэргэжлийн боксын хоёр дахь тулаанаа 52,1 кг жинд WBC Silver аваргын бүсийн төлөө хийж, ялсан билээ.