Энэ онд гүүглээс "IPhone" гэх үг хамгийн их хайгджээ
IPhone 8 ба IPhone X
2017 он гүүгл хайлтын системийн хувьд тун өвөрмөц жил болжээ. “IPhone 8”, “IPhone X” болон “Ирма хар салхи” зэрэг үгс хамгийн их хайгдсан байна. Харин “How to” буюу “Хэрхэн” гэх үгийн хайлтад “Хэрхэн биткойн авах вэ?”, ”Хэрхэн сар хиртэлтийн шил хийх вэ?”, “Хэрхэн замаг бэлтгэх вэ?”, “Хэрхэн зангиа зангидах вэ?” зэрэг асуулт багтжээ.
Гүүглийн зүгээс энэ жил хэрэглэгчид урьд өмнөх жилүүдээс илүү ухаалаг асуулт асууж байсныг онцолсон байна. Жишээлбэл, “Одоогоор дэлхий даяар хэдэн дүрвэгсэд гэр оронгүй байна?”,”Хар салхи хэрхэн бий болдог вэ?”, “Хадгаламжаа хэрхэн нэмэгдүүлэх вэ?”,”Пуэрт-Рико дахь иргэдэд хэрхэн туслах вэ?” зэргээр үргэлжлэх юм.
Харин Меган Маркл, Кевин Спейси, Гал Гадот зэрэг жүжигчид алдартнууд хамгийн их хайгдсан хүмүүсээр тодорчээ. Олон улсын мэдээллийн хувьд Ирма хар салхи, Лас Вегас дахь халдлага орсон бол “IT”, “Wonder Woman”, “Beauty and Beast” зэрэг кино хамгийн их хайгджээ.