6 настай хүү 11 сая ам.долларын ашигтай ажиллажээ
Райан хүү “Youtube” цахим сүлжээнд 10 сая гаруй дагагчтай.
6 настай Райан хүү “Youtube” цахим сүлжээнд 10 сая гаруй дагагчтай. Тэр хүүхдийн хувьд хамгийн сайхан зүйл ч гэж болохоор ажил хийдэг. Төрөл бүрийн тоглоомоор тоглож, ямар болохыг өөрийнхөөрөө үнэлдэг “тоглоом шүүмжлэгч”-ийн ажилтай.
“Pixar”, “Walmart” зэрэг олон улсын нэр хүндтэй компаниуд түүнтэй хамтран ажилладаг. Райан 2017 онд л гэхэд 11 сая ам.долларын ашиг олсон нь “Youtube”-ийн хамгийн өндөр орлоготой хэрэглэгчдийн нэг болгожээ.
Райан 4 настайгаасаа янз бүрийн тоглоомыг үнэлж, хэрхэн тоглох талаар зааварчлан бичлэг оруулах болжээ. Мэдээж ээж аав нь тусалж бичлэгийг өндөр чанартайгаар монтажилж, менежерийн үүргийг гүйцэтгэдэг. “Pixar”-ийн “Cars” цувралын 100 машиныг танилцуулсан цуврал нь Райаны хамгийн алдартай бичлэгүүд бөгөөд одоогоор 800 сая хандалт авчээ.