1 мин

“Авьяаслаг Азиуд” шоуны ялагч "The Sacred Riana"-гийн тухай 9 БАРИМТ

Айшгийн үзүүлбэрээрээ олныг гайхшруулсан Риана Антонет гэж хэн бэ?

2017.12.15 33 32 12

338

“Авьяаслаг Азиуд-2017” шоуны ялагч Индонез улсаас төрлөө. Сэтгэл түгшээм аймшгийн үзүүлбэрээрээ үзэгч, шүүгчдийг гайхшруулсан “The Sacred Riana” буюу  Риана Антонет шоуны ялагчаар тодрон, 100 мянган ам.долларын эзэн боллоо. Түүний талаар олны төдийлөн мэдэхгүй 9 баримтыг хүргэж байна. 

1. Тэр Жакарта хотод 1992 оны долдугаар сарын 13-нд төрсөн. Одоо 25 настай.

2. Тэр АНУ-ын алдарт илбэчин Дэвид Копперфильдийг шүтэн биширдэг. Дэвид 20 гаруй Эммигийн шагналын эзэн билээ.

 3. 1998 оны “Ringu” гэх Японы аймшгийн киноны Садако Яамамура гэх дүрээс сэдэвлэн урт үстэй, жихүүдэс төрүүлэм дүр төрхөө бүрдүүлжээ. 

4. Тэр анх 2014 онд “Next Mentalist” гэх шоунд орсноор олонд танигдсан. Тус тэмцээнд 2-р байр эзэлжээ. 

5. Үүнээс өмнө 2012 онд “Stand Up Magician” болон бусад шидийн үзүүлбэрийн тэмцээнд оролцож байв. 

6. Риана Индонезийн Санта Урсула дунд сургуулийг төгсөн, Бунда Мулиагийн Их сургуульд дээд боловсрол эзэмшжээ.

7. Тэр инстаграмдаа 62 мянга гаруй дагагчтай бол өөрөө ердөө 5 хүнийг л дагадаг. 

 8. Түүний аав шидтэн байсан тул багаасаа л ид шидийн ертөнцийг сонирхон дурлах болсон байна.

 9. Тэр шоуны турш нэг ч инээгээгүй. “Авьяаслаг Азиуд” тэмцээний үеэр тэр барагтай бол нүүрээ ил харуулаагүй бөгөөд тэмцээний ялагчаар зарлахад ч инээж, баярлаагүй юм.

"The Sacred Riana"-гийн эцсийн шатны үзүүлбэр

2017.12.15

338