2 мин

“SHINEE” хамтлагийн дуучин Ким Жун Хёны тухай 11 баримт

Тэр 1990 оны дөрөвдүгээр сарын 8-нд төрсөн, 27 настай.

Э.Намуун 2017.12.19 4 2

162

2. Жун Хён дуучин, бүжигчин бөгөөд дуу зохиоход гол үүрэг гүйцэтгэдэг байжээ. 2015 оноос бие даасан уран бүтээлээ амжилттай эхлүүлж байв.

3. Тэр ЛГБТ хүмүүсийн эрхийн төлөө дуу хоолойгоо нийгэмд хүргэдэг идэвхтэн байсан юм.

4. "Гэрэл гэгээг хэн нэгэнд түгээх" гэсэн утгатай “Shinee” хамтлагийн таван гишүүний нэг. “S.M.Entertainment” тус хамтлагийг 2008 онд гаргасан түүхтэй.

5. Ким Жун Хён 2013 онд автомашины осолд орж, хамрын ясаа гэмтээснээсээ болж мэс засал хийлгэсэн.

6. Дуучин залууг өчигдөр Сөүлийн Ганнам дүүрэг дэх байрандаа ухаангүй хэвтэж байхад нь олж, эмнэлэгт хүргэсний дараа амьсгал хураажээ. 

7. Түүний эгч өчигдөр орон нутгийн цагаар 16:42 болж байхад Цагдаагийн газарт "Жун Хён амиа хорлох гэж байна гэж бодож байна" гэж мэдээлэл өгчээ.

8. Учир нь тэрээр нас барахаасаа хэдэн цагийн өмнө эгч рүүгээ “Баяртай гэж сүүлчийн удаа хэлье” гэж мессеж илгээсэн байна.

9. Цагдаагийнхан түүний гэрээс шатаасан нүүрс олсон нь угаартсан байх магадлалтай гэсэн эхний дүгнэлтэд хүргэжээ.

10. Түүний дотны найз “Dear Cloud” хамтлагийн дуучин Жан Хэ Ён инстаграм сүлжээнд түүний бичсэн захидлыг нийтэлжээ. Уг захидалд “Миний хийсэн бүхнийг хангалттай сайн байсан гэж хэлээрэй. Намайг үдэхдээ инээмсэглэдэггүй юмаа гэхэд битгий буруутгаарай. Чи сайн байсан, чи сайн ажилласан гэж хэлээрэй. Баяртай” гэсэн байна.

11. Ганнам дүүргийн цагдаагийн хэлтэс дуучны үхлийн шалтгаан тодорхой байгаа тул задлан шинжилгээ хийхгүй гэж мэдэгдсэн бөгөөд гэр бүлийнхэн нь ч зөвшөөрсөн аж.

Э.Намуун 2017.12.19

162