“Ухаалаг Астана урагшгүй Улаанбаатартай ижил утаатай” гэв
Жил бүр утаатай байдаг ч энэ жил Астанагийн утаа онцгой их байгаа гэнэ.
Салхигүй хэд хоноход л Казахстаны нийслэл Астана утаанд дарагджээ. Астаначууд олон нийтийн сүлжээгээр утааны зургаа тавьж, хотын захиргаанд гомдол тавьж эхлээд байна. Харин энэхүү гомдол нь манай нийслэлийн утааг ч хөндөөд авсан байх аж. “Facebook”-ийн "Астана - Что? Где? Когда?" группын гишүүн Ержан Нурединов “Ухаантай, өндөр технологтой Астана хот сул дорой хөгжилтэй Монголын нийслэл Улаанбаатартай адилхан нүүрсний утаанд дарлуулж байна. Гунигтай ч энэ бол баримт. Өвөл болохоор Улаанбаатарт яг л манай өндөр хөгжилтэй Астана шиг утаандаа хахаж цацдаг” гэж бичжээ.
Астанагийн утааны шалтгаан нь мөн л нүүрс тул иргэд хотыг хурдан байгалийн хийгээр хангахыг шаардаж байгаа юм. Жил бүр утаатай байдаг ч энэ жил Астанагийн утаа онцгой их байгаа гэнэ.