ОХУ-ын ТНТ телевиз Бурханы шашинтнуудыг доромжлов
Халимагийн ОХУ-ын Ерөнхийлөгчийн дэргэдэх Төлөөлөгчийн газраас ТНТ телевизэд гомдол гаргасан байна.
Оросын ТНТ телевизийн “Улица” цувралын нэгэн ангийг үзсэн буддын шашинтнууд шоконд оржээ. Тус кинонд Бурханы баримланд нүцгэн эмэгтэйн баримал нийлүүлж, жүжигчид нь бурхан шашныг доромжилсон үг хэллэг ашиглаж байжээ.
Энэ талаар Халимагийн ОХУ-ын Ерөнхийлөгчийн дэргэдэх Төлөөлөгчийн газраас ТНТ телевизэд гомдол гаргасан байна.
“Би интернетээр энэ хэсгийг үзсэн. Энэ киноны найруулагч, зохиолч нар хүмүүсийн сонирхлыг татахын тулд Бурханы шашинтнуудыг доромжиллоо. Үүнийг зүгээр орхиж болохгүй гэж” тус газрын тэргүүн Санал Иванов мэдэгджээ.