Бэлэг авахаас өгөх нь илүү жаргалтай
Яг үнэнийг хэлэхэд бидний олонхи нь Шинэ жилийн баяраас хамгийн сайхан нь бэлэг авах агшин гэж үздэг гээд хэлчихэд буруудахгүй.
Баяр тэр дундаа Шинэ жилийн баяр дөхөөд ирэхэд нэг л мэдэхэд ямар ч хүний сэтгэл хөдөлдөг. Өөрөө анзаарахгүй байлаа ч нэг л сайхан. Үүнийг л баярын уур амьсгал гэж нэрлээд байгаа юм.
Яг үнэнийг хэлэхэд бидний олонхи нь Шинэ жилийн баяраас хамгийн сайхан нь бэлэг авах агшин гэж үздэг гээд хэлчихэд буруудахгүй. Тиймээ, гоёл чимэглэлтэй гудамж талбай, гацуур мод, оргилуун дарс биш. Та 50 нас хүрсэн байсан ч бэлэг харахаараа настр чинь сэргэж, алга чинь хөлрөн, зүрхний цохилт тань хурдасна. Тэгвэл шинэ жилийн бэлэг авахаас илүү сайхан зүйл юу вэ гэдгийг эрдэмтэд судалжээ. Тэгээд олжээ.
Германы Любек хотын их сургуулийн эрдэмтэд өглөгч зан болон сэтгэл сэргэх хоорондоо ямар холбоотойг судласан байна. Хэсэг бүлэг хүмүүсийг 4 долоо хоногийн турш өөртөө болон бусдад мөнгө үрэх өөрөөр хэлбэл бусдад бэлэг өгөх хоёр баг болгон туршилтад оруулжээ. Туршилтын турш тэднийг байнга эрүүл мэндийн шинжилгээнд оруулж, сэтгэл санааг нь хэмжиж байсан байна. Үр дүнд нь өөртөө мөнгө үрж байгаа хүмүүсээс илүү бусдад бэлэг авч байгаа хүмүүс нь өөртөө итгэлтэй, аз жаргалтай байгаа нь мэдэгджээ.
Тийм болохоор Шинэ жилээр сэтгэлээ сэргээж, аз жаргалтай байя гэвэл хэн нэгэнд бэлэг өгөөрэй. Өгөөмөр уудам зангаараа бахархах сэтгэл тань таныг оргилуун дарсаас илүү баярлуулж, “согтооно” шүү.