“Шапекоэнсе” ослоос амьд үлдсэн хаалгач ногоон талбайд эргэн гарлаа
Гэхдээ хаалганд зогсоогүй довтолж, хиймэл хөлөөрөө гоол хүртэл оруулсан.
Өнгөрсөн оны 11 дүгээр сарын 26-нд Бразилийн хөлбөмбөгийн “Шапекоэнсе” багийнхны сууж явсан онгоц осолд орж, багийн 23 гишүүнээс 20-нь амь насаа алдсан эмгэнэлтэй хэрэг гарсан билээ. Амьд үлдсэн гурван тоглогчийн нэг хаалгач Жаксон Фольманн баруун хөлөө тайруулсан. Хиймэл хөл хийлгэсэн ч Жаксон бэлтгэлдээ эргэн орсон байна. Энэ зунаас гүйж эхлэн, бичлэгээ инстарамдаа оруулжээ.
Саяхан Фольманн хөлбөмбөг тоголсон. “Титогийн найзууд”, “Кариллегийн найзууд” багуудын нөхөрсөг тоглолтод тэр оролцсон. Гэхдээ хаалганд зогсоогүй довтолж, хиймэл хөлөөрөө гоол хүртэл оруулсан.
Дараа нь “шумбан” унаж, хиймэл хөлийг нь гэмтээлээ гэж “баашилсан”. Мэдээж наргисан хэрэг. Багийн андууд нь түүнд туслахаар ухасхийж, харин шүүгч инээж байлаа.
Хүнд гэмтэл, онгоцны ослыг даван гарч, хиймэл хөлтэй ч ногоон талбайдаа эргэн ирсэн Жаксонд Шинэ жилийн баярын мэнд хүргэе!