2 мин

2017 оны хамгийн өвөрмөц “баатрууд”

Гэхдээ тэдэнд ч бас өөрөөрөө бахархах юм бий.

М.Сугар-Эрдэнэ 2018.01.02

Алдарт гарах олон арга бий. Хэн нэг нь кино жүжигчин болохыг мөрөөдөж, зарим нэг нь агуу нээлт хийж, тэрбум тэрбумаар нь мөнгө олохыг боддог. Тэгвэл энд гарах хүмүүс ингэж бодож, мөрөөдөөгүй. Гэхдээ тэдэнд ч бас өөрөөрөө бахархах юм бий.

Найман сартай Чахат Кумар охин төрөхдөө жирийн л төрсөн. Харин тэр дөрвөн сарын дотор гэнэт жин нэмж, одоо дөрвөн настай хүүхэд шиг 17 кг жинтэй болсон. Илүүдэл жингээсээ болж амьсгалахад хүнд байгаа ч тэр 4 хүүхдийн хоол иддэг хэвээр.

Энэтхэгийн Хайдарабад хотын энэ гэрбүл 11 гишүүнтэй. Тэднээс хоёр нь л жирийн өндөртэй бөгөөд үлдсэн нь одой хүн.

47 настай америк бүсгүй Аллегра Коул тун шүтлэгтэй гэрбүлд өсөж, хөгжмийн багш байсан хүн. Тэр хэдэн жилийн өмнө амьдралаа өөрчлөхөөр шийдэж, интернетээр гоо сайхны мэс заслын мөнгө цуглуулж эхэлсэн юм. Хөхөө хэд дахин томруулахад хангалттай хүрэх хэмжээний хандив босгож чадсан юм. Одоо тэр 100 мянган долларын үнээр зургаа авахуулдаг ажилтай болсон.

2008 онд сагсан бөмбөгч Екатерина Лисина олимпийн наадмаас хүрэл медаль хүртэж байлаа. Одоо тэр дэлхийн хамгийн өндөр модель болохоор ажиллаж байна. Лисина 205 см өндөртэй.

Америк бүсгүй Кортни Барнз хэдэн жилийн өмнө өгзөг томруулах хагалгаа хийлгэсэн. Түүний өгзөг Ким Кардашьяныхаас 43 см том.

Австралийн Деб Роэч төрөлхийн гаргүй. Гэхдээ тэр бүжгийн ДАШТ-ээс хоёр алтан медаль хүртсэн.

Жейдин Смит нэг настай байхдаа анх машин барьсан. Хоёр настайгаасаа мотоцикл унаж, уралдаанд орсон. Одоо тэр 4 настай.

2016 онд “Miss Teen USA” уралдаанд оролцож байсан Жиллиан Уильямс ясны хүнд өвчин тусаж, хөлний дунд хэсгээ тайруулсан. Жиллиан паралимпод орохоор бэлтгэж байна.