Хятад биткоинийг хориглохгүй
Хэдий тийм ч олборлогч уурхайнуудын уршгаар зарим нутагт айл өрхийн эрчим хүч тасрах явдал гарч байгаа.
“Хятадын Засгийн газраас биткоин олборлолтыг хязгаарлахгүй ч цаашдаа аажмаар энэ бизнест зориулсан эрчим хүч, татвар, газар эзэмшилтийн хөнгөлөлтийг цуцлана” гэж Caixin агентлаг мэдээллээ.
Өчигдөр хэвлэлээр Хятадын Ардын банкнаас биткоин олборлолтыг хязгаарлана гэсэн мэдээлэл гарсныг ийнхүү Caixin агентлаг бүрэн няцаажээ.
Сүүлийн үед биткоин олборлолтод зарцуулах эрчим хүч эрс нэмэгдэж байгаа. Гэхдээ Хятадын биткоин олборлолтын 80 хувь нь Сычуань, Өвөрмонгол, Түвд гэсэн сэргээгдэх эрчим хүчний нөөц ихтэй, хүйтэн сэрүүн цаг агаартай нутгуудад байрлаж байгаа нь эрчим хүч хэмнэх гол нөхцөл болж байгаа юм. Хэдий тийм ч олборлогч уурхайнуудын уршгаар зарим нутагт айл өрхийн эрчим хүч тасрах явдал гарч байгаа. Зарим уурхайд 10 мянган олборлолтын төхөөрөмж байгаагийн 5 мянга нь жирийн айл өрхийн цахилгааны тарифаар үйлчлүүлж байгаа гэнэ.