3 мин

“Psychopath” болон “Sociopath” гэж юу вэ?

30-40 хүн тутмын нэг нь Психопат байдаг гэдгийг та мэдэх үү?

О.Анхзаяа 2018.01.05

30-40 хүн тутмын нэг нь Психопат байдаг гэдгийг та мэдэх үү? Өндөр тоо шүү. Психопат хүмүүст бусад хүмүүс өөрийг нь юу гэж бодох хамаагүй байдаг. Тийм ч болохоор дотогшоогоо, зожигдуу байдаг ч харин өөрийн тусын тулд санаатайгаар бусдыг шархлуулах нь олонтаа байдаг байна.

Эдгээр нэршлүүдийг XX зуунаас эхлэн ашигласан байдаг. Анх XIX зууны үеэр сэтгэл мэдрэлийн эмнэлгийн эмч нар өвчтөнүүдийг ажиглаж байх үед зарим өвчтөнүүд нь зан ааш, ёс суртахууны хувьд гажуудалтай байсныг олж анзаарчээ. Тиймдээ ч тэр бүлэг хүмүүсийг "Psychopath" хэмээн тусад нь ангилж, тодорхой нэршлийг өгсөн байна. Гэвч XX зууны дунд үеэр "Psychopath" гэх нэршлийг "Sociopath" болгож өөрчилсөн ч сүүлд аль аль нэршлийг нь ашиглах болсон байна.

Энэ хоёрын адил төстэй талууд:

Хуулийг үл ойшоодог. Ямагт дүрмээс гажууд зүйл хийдэг.
Бусдад үргэлж худал хэлдэг. Хуурч мэхлэх нь бусдаас хавьгүй олон.
Гэнэтийн үйл хөдлөл, шийдвэр их гаргадаг. Өөрийн ч мэдэлгүй ямар нэгэн үйлдэл, шийдвэр гаргасан байх нь олонтаа.
Уур уцаартай. Нэг л мэдэхэд тэсрэх шиг болж, хүмүүстэй ихээхэн үл ойлголцон, муудалцдаг.
Бусдын аюулгүй, амар амгалан байдал ямар ч хамаагүй.
"Хариуцлага" бол тэдний хамгийн дургүй зүйл.
Өрөвдөх, гэмших зэрэг мэдрэмж байхгүй.

"Psychopath" гэж юу вэ?

Энэ нь "Sociopath"-ийг бодвол илүү "төрөлхийн" хэв шинжтэй. Цаанаасаа, өөрийн мэдэлгүй биеэ барьж чадахгүй болж, янз бүрийн хэрэг үйлдэж орхидог байна. Ийм төрлийн хүмүүс дур булаам, энгийн ажил төрөлтэй, ухаалаг, өндөр боловсролтой гэх мэт ямар ч байж болдог. Заавал нэг солиотой хүн шиг харагдана гэсэн үг биш л дээ.

Психопатууд хэрэв ямар нэгэн гэмт хэрэг хийх бол урьдчилан төлөвлөсөн, хамгийн бага эрсдэл дагуулах замыг маш төлөвлөгөөтэй, ухаалгаар сонгодог.

"Psychopath" хүмүүсийг та эдгээр киноны дүрээс харж болно:

"Dexter" - Декстэр

"No Country for Old Men" - Антон Чигур

"Henry: Portrait of a Serial Killer" - Хенри

"American Psycho" - Патрик Бэйтмен

"Sociopath" гэж юу вэ?

"Sociopath" гэдэг нь "Society"- нийгэм "Path"- зам, замнал гэсэн үгнээс гаралтай үг юм. Судлаач нарын үзэж байгаагаар энэ төрлийн хүмүүс бага байхдаа буруу хүмүүжиж мөн өссөн нөхцөл байдал, эцэг эхийн дарамт, дээрэлхүүлж дарамтлуулснаас болоод ийм болдог аж. Нэг ёсондоо нийгмийн дарамт шахалтаас үүсдэг гэж үзэж болох юм.

"Sociopath"-ууд зан аашийн хувьд асуудалтай, маш цочмог, зэрлэг байдаг байна.

Харин гэмт хэргийн хувьд "Sociopath"-ууд аюулгүй байдлаа тэгж их бодоод байдаггүй бөгөөд өөрийн цочмог гэнэтийн зан чанараасаа болоод гэмт хэрэг хийх магадлал өндөр байдаг.

"Sociopath" хүмүүсийг та эдгээр киноны дүрээс харж болно:

"The Dark Knight" - Жокер