мин
Кисэносатог Хацү башёд барилдаад хэрэггүй гэв
Китамүра “Энэ байдлаараа 15 хоног барилдаж чадахгүй бололтой. Ер нь Хацү башёд гараад хэрэггүй” гэж хэлсэн байна.
М.Сугар-Эрдэнэ
40 
27 
18 
Сүмогийн ордонд өнөөдөр бөхчүүдийн хамтарсан бэлтгэл боллоо. Энэхүү бэлтгэлийг Ёкозүнагийн зөвлөлийн гишүүд үзэж сонирхон, бөхчүүдийн талаар санал бодлоо солилцжээ.
Их аварга Хакүхо, ёкозүна Какүрюү нар бэлтгэл дээр тун сайн байсан ч япон аварга Кисэносато маш тааруу харагдав. Гоэйдо, Какүрюү нартай барилдаж, 2 даван, 6 унасан Кисэносатог Ёкозүнагийн зөвлөлийн тэргүүн Китамүра бараг ирэх тэмцээнийг өнжсөн нь дээр бололтой гэж хэлсэн юм.
Китамүра “Энэ байдлаараа 15 хоног барилдаж чадахгүй бололтой. Ер нь Хацү башёд гараад хэрэггүй” гэж хэлсэн байна. Сэтгүүлчид 4 башё дараалан өнжөөд байгаа Кисэносатод зодог тайлах аюул тулгарах юм биш биз гэж асуухад “Мэдээж. Таван башё дараалан өнжсөн ёкозүна байхгүй” гэж хариулсан.
Өнөөдрийн бэлтгэл дээр озэки Такаясү, Гоэйдо нар маш өнгөлөг харагдаж байсан тул Сүмогийн холбооны тэргүүн Хаккакү ирэх тэмцээнд хоёр арсланд итгэл хүлээлгэнэ гэж ярьсан байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа