2 мин
UB LIFE жагсаалт: “Аймшгийн хаан” Стивен Кингийн санал болгож буй 15 аймшгийн кино
Аймшгийн хаан ямар кино танилцуулсан бол?
М.Сугар-Эрдэнэ
2 
Америкийн зохиолч Стивен Эдвин Кинг аймшиг, триллер, уран зөгнөл, драм гээд маш олон төрлөөр уран бүтээлээ туурвидаг ч дэлхий дахин түүнийг “Аймшгийн хаан” нэрээр нь илүү сайн мэднэ. Түүний бүтээлүүд нийт 350 сая хувь зарагдсан бөгөөд номоор нь хэд хэдэн кино, комикс хийгдсэн байдаг. Ингээд “Аймшгийн хаан”-ы санал болгож буй 15 аймшгийн киног танилцуулья.
“The Autopsy of Jane Doe”, 2016
Бяцхан хотын эмч нар алагдсан эмэгтэйн цогцсонд задлан шинжилгээ хийж, үхлийн шалтгааныг тодруулах болно.
" The Blair Witch Project", 1999
1994 оны аравдугаар сард гурван оюутан сураггүй алга болно. Тэд баримтат киноны зураг авч байсан бөгөөд жилийн дараа тэдний авсан бичлэг олдоно.
"Crimson Peak", 2015
Нэгэн байшингийн талаар янз бүрийн цуурхал гарна. Өвөл болж, байшин цусан өнгөтэй цасанд хучигдлаа.
"Dawn of the Dead", 2004
Хэдэн сая үхдлийн довтолгоонд өртсөн Америк орон. Амьд үлдсэн цөөхөн хэдэн хүн худалдааны төвд зомбигоос нуугдана.
"Deep Blue Sea", 1999
Усан дорхи “Акватика” лабораторийн ажилтнууд аварга загасны тархины хэмжээг нэмэгдүүлдэг бодис гарган авч туршина. Гэвч аварга загаснууд тэднээс илүү ухаантай болсон байв.
"The Descent", 2005
Зоригт бүсгүйчүүд адал явдалт аялалд гарлаа. Ууланд тэднийг юу хүлээж байна вэ?
"Event Horizon", 1997
2047 он. Сураггүй алга болсон сансрын хөлгийн араас эрлийн баг морджээ. Тэд яасан бол?
"Final Destination", 2000
Алекс Парист 10 хоног ангийнхантайгаа зугаалахаар ниснэ. Түүнийг онгоцноос долоон хүний хамт үлдэсний дараа онгоц дэлбэрч сүйрнэ. Гэхдээ амьд үлдсэн зорчигчид ч ээлж дараалан үхнэ.
"The Hitcher", 2007
Залуу хосууд машинаар явна. Гадаа харанхуй, бороо орж, гэнэт нэг хүн зам дээр зогсож байх нь тэр. Тэд түүнийг аваагүй ч дараа нь уулзах болно.
"The Last House on the Left", 2009
Аав, ээж, охин гурав амралтаа өнгөрөөхөөр зусландаа иржээ. Охин нь найзтайгаа уулзан, хар тамхи татсанаар хамаг асуудал эхэлнэ.
"The Mist", 2007
Жижиг хотыг бүрхсэн манан ямар учиртай вэ?
"The Ruins", 2008
Тэд зугаалганд явсан ч үхлийн ирмэг дээр очно.
"Stir of Echoes", 1999
Энэ өдрийг хүртэл Том Вицки гипноз, далд ухамсарт итгэдэггүй байлаа. Нэгэн үдэшлэг дээр гипнозонд орсноор түүний амьдрал өөрчлөгдөнө.
"The Strangers", 2008
Залуу хосууд ойн жижигхэн байшинд хорвоо ертөнцөөс нуугдана. Тэдний хаана байгааг масктай дээрэмчдээс өөр хүн мэдэхгүй.
"The VVitch", 2015
Ойн захад байх жижигхэн фермээс хүүхдүүд алга болно.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа
М.Гэрэлмаа 