12 жил, 175 мянган доллар зарж, Мадонна шиг болсон залуу
Мэс засалчдын 12 жилийн хөдөлмөр, 175 мянган доллар хэргээ бүтээсэн.
Алдартай хүнийг хэт бишрэн шүтдэг хэнээтэн олон. Шүтээнийхээ зургийг барин, гоо сайхны эмч дээр очиж, “Энэ хүн шиг болмоор байна” гэдэг хүн ч бий.
Тэгвэл энэ эр Мадонна шиг болох гэж бүтэн 12 жил, 100 мянган фунт стерлинг зарсан байна. 27 настай ижил хүйстэн америк залуу Адам Гуэрра амьдралынхаа зорилгыг Мадонна шиг болох гэж тодорхойлсон. Анх 15 настайдаа түүний дууг сонсож, “дурласан” залуу энэ зорилгоо биелүүлэх гэж зүтгэсэн.
“Мадонна намайг бишрүүлсэн. Түүний дуу миний зүрх сэтгэлийг уярааж, яг л зүрхтэй минь шууд яриад байгаа мэт сэтгэгдэл төрүүлсэн. Би түүнийг маш их хайрлаж, хүндэлдэг” гэж Адам ярьж байна.
Мэс засалчдын 12 жилийн хөдөлмөр, 175 мянган доллар хэргээ бүтээсэн. Одоо тэр гадаад үзэмжиндээ сэтгэл хангалуун, Мадонна шиг царайтай байхдаа өөртөө улам итгэлтэй болжээ.
Одоо Адам энд тэндхийн шоуны байнгын зочин.
Гэхдээ хувийн амьдралд нь бага зэрэг таагүй зүйл тохиолдсон. Найз залуу нь түүнд “Намайг сонгох уу, Мадоннаг сонгох уу” гэсэн тулган шаардалт тавьжээ.