Какүрюү, Кисэносато нар Хацү башёд зодоглоно
Нэгэнт барилдахаар шийдсэн тул тэд энэ тэмцээнд зодог тайлах эсэхээ шийдэх боллоо гэсэн үг юм.
Гэмтлийн улмаас өнгөрсөн жил бараг барилдаагүй ёкозүна Какүрюү, Кисэносато нар Хацү башёд зодоглохоор шийджээ. Нэгэнт барилдахаар шийдсэн тул тэд энэ тэмцээнд зодог тайлах эсэхээ шийдэх боллоо гэсэн үг юм.
Хамтдаа дөрвөн башё дараалан өнжөөд байгаа аваргуудын хувь заяа хэрхэн шийдэгдэх бол гэдэг сүмо сонирхогчдын анхаарлын төвд байна.
Кисэносато өнгөрсөн 11 сарын тэмцээнд гэмтэлтэй барилдаж, 10 дахь өдрөөс эхлэн тэмцээнээс гарсан. Өвлийн тойргийн барилдаанд оролцолгүй эмчлүүлсэн билээ. Кисэносато өнөөдрийн бэлтгэлийн дараа “Бэлтгэл ханалаа. Сайн барилдахын төлөө хичээнэ” гэж сэтгүүлчдэд мэдэгдсэн.
Баруун шагайны бэртлээр 9, 11 сарын тэмцээнд барилдаагүй Какүрюү ч “Хацү башёд барилдана. Цаашдаа ч өсөн дэвжиж, улам хүчтэй болж чадна гэж бодож байгаа” гэж ярьсан байна.