“Gucci”-гийн $1000-ийн шаахай тамирчдыг бишрүүлэв
Рохо, Леброн, МакГрегор, Алекса Сонг нар гангардаг.
Английн “Манчестер Юнайтед” баг Дубайд бэлтгэл хийхээр явахад хамгаалагч Маркос Рохо онгоцонд авсан зургаа инстаграмд тавьж, шаахайгаа сурталчилсан юм.
Энэ шаахай бол “Gucci Princetown Slipper” бөгөөд тугалын арьс, ишигний ноолуураар хийсэн бүтээгдэхүүн байлаа. Хэдэн жилийн өмнө “Gucci” таавчигаа имжийн арьсаар хийж байсан ч Австралийн амьтан хамгаалагчдын эсэргүүцэлтэй тулгараад болсон билээ. Рохогийн энэ шаахай 940 долларын үнэтэй.
Өнгөрсөн жил Леброн Жеймс Хэллоуиний баяраар мөн өмссөн бөгөөд 890 долларын үнэтэй “Gucci Princetown” байлаа.
Ник Янгд ч бас байгаа.
“Вашингтон”- багийн од Жон Уолл саяхан савхин “Gucci Princetown” углаад ирсэн нь 995 долларын үнэтэй байв.
Харин “Миннесота”-гийн Шабазз Мухаммадийн арьсан таавчиг чимэглэлтэй тул үнэтэй, 1100 доллар.
Конор МакГрегорийн шаахай 890 доллар.
“Арсенал” багийн Эктор Бельерин Лондонд болсон загварын шоунд ирэхдээ 995 долларын “Gucci” өмссөн байв.
“Gucci Princetown Slipper”-т дуртайгаа Алекс Сонг инстаграмаар илэрхийлдэг. Бартай шаахай нь 1100 долларын үнэтэй.