мин

Тевес Хятадаас зугтлаа

Карлитос ердөө ганцхан жил тэссэн.

М.Сугар-Эрдэнэ 2018.01.12 35 7 2

Аргентиний хөлбөмбөгч Карлос Тевес эх орондоо харьлаа. Асар өндөр үнэтэй гэрээ байгуулсан ч олигтой тоглоогүй түүний гоол бүр Хятадын багт 9.5 сая еврогийн үнэ хүрч байв.
Карлитос ердөө ганцхан жил тэссэн.

• Карлос Тевес Хятадын “Шанхай Шеньхуа” багийг орхиж, төрөлх “Бока Хуниорс” багтаа эргэн ирж, бэлтгэл хийж эхэлсэн. Энд зодог тайлах магадлал өндөр байна.
• “Шанхай Шеньхуа” баг 2016 оны сүүлээр Тевестэй 2 жилийн гэрээг 38 сая еврогоор байгуулсан. Тевес долоо хоногт 730 мянган евро авч, дэлхийн хамгийн өндөр цалинтай хөлбөмбөгч болсон билээ.
• Гэхдээ Тевес энэ хугацаанд 20 тоглож, 4-хөн гоол оруулсан. Цалинтай нь харьцуулан үзэхэд Карлос нэг тоглолтод 1 сая 898 мянган евро, оруулсан гоол болгондоо 9.5 сая евро авч байсан болж таарлаа.

• Гэхдээ гэрээ ёсоор хэрэв Тевес гэрээний хугацаа дуусахаас өмнө Хятадаас явбал “Бока” баг худалдсан мөнгөнийхөө 60 хувийг буцаан өгөх учиртай. Яг хэдээр түүнийг худалдан авснаа “Шанхай Шеньхуа” зарлаагүй. Хэвлэлд бичсэнээр бол 11-84 сая еврогийн хооронд бололтой.
• Тевес гэрээнийхээ талаар “Энэ бол ярих дургүй сэдэв минь. Яагаад гэвэл багийн андуудаа хүндэтгэх хэрэгтэй. Ер нь би хэвлэлд бичдэг шиг тийм их мөнгө авдаггүй” гэж ярьж байв.

• Хятадын юу нь ч түүнд таалагдаагүй. Амьдралын маяг, хоол, хөлбөмбөг, багийн нөхдүүдийнх нь ур чадвар гээд. Байнга гомдол гаргадаг тул фэнүүд нь ч түүнээс хөндийрсөн.
• Бага сага гэмтэл аваад л талбайд гардаггүй, эмчлүүллээ гээд л эх орондоо харьчихдаг байлаа. Тиймээс бүтэн улиралд тэр ердөө 20 тоглосон.
• Тевес дөрөвхөн гоол оруулж, баг нь ч хүснэгтийн дунд хэсэгт л явж байсан тул Ерөнхий дасгалжуулагч Густаво Пойетийг халсан билээ. Түүний оронд ирсэн шинэ хятад дасгалжуулагч Тевесийг илүү жинтэй байна гээд шууд сэлгээнд шилжүүлсэн.

• Өнгөрсөн 11 дүгээр сард Лионель Месси “Барселона”-тай шинэ гэрээ байгуулснаар дэлхийн хамгийн өндөр цалинтай хөлбөмбөгчийн хэргэм Мессид шилжсэн. Тевес ч гэрээгээ цуцалж, Аргентин буцах болсон.
• “Бока Хуниорс”-т түүнд хоёр зорилго бий. “Либертадорес” цомд түрүүлэх, шигшээ багт эргэн орж, ДАШТ-д оролцох.

М.Сугар-Эрдэнэ 2018.01.12