ЧӨЛӨӨТ БӨХ: Насанд хүрэгчдийн УАШТ-ний хуваарь
УАШТ-ийг ETV телевиз шууд дамжуулан үзүүлнэ.
Чөлөөт бөхийн 2018 оны насанд хүрэгчдийн УАШТ өнөөдөр Орхон аймгийн "Хангарьд палас"-т эхэлж байна. Энэ удаагийн УАШТ-д 25 багийн 300 гаруй тамирчин эрэгтэй, эмэгтэйчүүдийн тус бүр 10 жинд өрсөлдөнө. Өнөөдөр эрэгтэйчүүдийн 61, 70, 79, 92, эмэгтэйчүүдийн 55, 59, 65 кг-ын жингийн барилдаан болох бөгөөд "Лондон-2012" олимпийн наадмын хүрэл медальт, ДАШТ-ий хошой алт, нэг мөнгөн медальт, хөдөлмөрийн баатар, гавьяат тамирчин С.Батцэцэг 65 кг-д, ДАШТ-ий хошой хүрэл медальт, гавьяат тамирчин Э.Бэхбаяр 61-д, улсын 6 удаагийн аварга ОУХМ Д.Гомбодорж 79 кг-д жин өгсч барилдахаар болжээ. УАШТ-ийг ETV телевиз шууд дамжуулан үзүүлнэ.