1 мин

Азийн Олон Улсын кино наадмын онцлох орноор МОНГОЛ УЛС сонгогджээ

Монголын кино урлагийг дэлхий нийтэд таниулан сурталчлахаар 10 гаруй кино уран бүтээл сонгогджээ.

2018.01.13 46 26 13

73

Францын Везуль хотноо уламжлал болгон зохион байгуулагддаг Азийн Олон Улсын кино наадамд энэ жил Монгол Улс онцлох орноор сонгогджээ. 23 дахь удаагийн энэхүү нэр хүндтэй кино наадамд Монголын кино урлагийг дэлхий нийтэд таниулан сурталчлахаар 10 гаруй кино уран бүтээл сонгогдсон бөгөөд Ардын жүжигчин Г.Жигжидсүрэн онцлох найруулагчаар уригджээ. Түүний “Бүлээн Нурам”, “Хүн Чулууны Нулимс”, “Амин Мөр” бүтээлүүд тус наадмаар танилцуулагдах юм. 

Азийн Олон Улсын кино наадмын уран сайхны удирдаач, судлаач Бастиан Мересонне 1937-2010 он хүртлэх Монголын бүх цаг үеийн 250 гаруй кино уран бүтээлээс дараах бүтээлүүдийг тус наадмаар тольлуулахаар шийдвэрлэсэн байна. Үүнд, “Монгол Хүү”, “Норжмаагийн зам”, “Сэрэлт”, “Шинэ Жил”, “Алтан өргөө”, “Аман хуур”, “Моторын дуу”, “Говийн Зэрэглээ”, “Солонгын 5 өнгө”, “Гарьд Магнай”, “Сүүдэр”, “Аргамжаа”, “Хүсэл Шунал” зэрэг шилдэг кино уран бүтээлүүд багтжээ. 

Тус кино наадмын нээлтийн үйл ажиллагаа энэ сарын 30-ны өдөр Везуль хотноо болох юм. Кино наадмын талаарх дэлгэрэнгүй мэдээллийг эндээс авна уу. 

2018.01.13

73