Уул уурхайн бүтээгдэхүүний үнийг Сангийн яамны мэргэжилтнүүд бодож олдоггүй


  |     2016-10-27 10:54   |     605
  2016-10-27 10:54   |     605

УИХ ирэх жилийн төсвийн төслийн талаар хэлэлцэж буй. Тэгвэл Сангийн яамнаас боловсруулсан 2017 оны төсвийн тухай хуулийн төсөлд хийсэн судалгааг Нээлттэй нийгэм форумаас танилцуулжээ. Тэд Сангийн яамны боловсруулсан өнгөрсөн  хэдэн жилийн төсвөөс харахад, уул уурхайн бүтээгдэхүүний үнийг таамаглаж чадахгүй байгаа гэв. Үнийг өөдрөгөөр бус хамгийн бага үнийн дүнгээр таамаглах хэрэгтэй гэсэн зөвлөгөөг Нээлттэй нийгэм форумаас өгчээ. 

Харин Сангийн яамны мэргэжилтэн “Уул уурхайн бүтээгдэхүүний үнийг бид бодож олдоггүй юм. Олон улсын байгууллагуудын шинжээчдийн таамаг, үнэ тогтоодог тодорхой моделиудаар тооцож, төсөвт суулгадаг” гэсэн хариулт өгсөн байна. Ингээд ирэх жилийн төсвийн төсөлд тусгаснаар Монгол Улс 2017 онд 6.2 их наяд төгрөгийн орлого олно.

Тэгвэл бид ирэх жил 8.5 их наяд төгрөгийн зарлага гаргах нь. Төсөлд тусгасан  тооцооллоос харахад л 2.3 их наяд төгрөгийн алдагдал хүлээхээр байгаа юм. Сангийн яамнаас тэвчиж болох бүх зардлыг хэмнэсэн гэж мэдээлжээ. Харин судлаачид УИХ-аар 2017 оны төсвийн тухай хуулийн төслийг хэлэлцсэний дараа шал өөр төсөв болчихдогийг сануулсан юм. 

Дашрамд сонирхуулахад, ОУВС-гийн төлөөлөгчид Монголд ирсэн байгаа гэнэ. Харин хөтөлбөрт хамрагдах эсэх шийдвэр хараахан гараагүй байна.   



Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Дагуурын талыг Дэлхийн өвд бүртгэлээ

ЮНЕСКО-гийн Дэлхийн өвийн хорооны 41 дүгээр чуулган болов.

  2017-07-21 11:36

Д.Оюунхорол: “Энигма” компанийн эзэмшлийн 42 га талбайн зөвшөөрлийг цуцлахыг ч үгүйсгэхгүй

Богдхан ууланд автомашин, дугуйны зогсоол, стандартад нийцсэн хогийн цэг байгуулах шийдвэрийг Засгийн газраас гаргасан.

  2017-07-20 12:58

Ш.Мягмар: Ерөө гол дагуу алт олборлож байсан 15 аж ахуйн нэгжийн үйл ажиллагааг зогсоосон

БОАЖЯ-ны Газар зохион байгуулалт, усны нэгдсэн бодлого зохицуулалтын газрын дарга Ш.Мягмар тодруулга өглөө.

  2017-07-19 17:03