Удтал бодлоос тань үл гарах сэтгэл хөдөлгөм 10 ном
Энэ номын өгүүлж буй түүхүүд таныг өөрийн эрхгүй өөртөө татаж, больж чадахаа болиход хүргэнэ.
Ном бүхэн өөр өөр байдаг. Тэдгээрийн заримыг нь та сүүлчийн хуудас хүртэл эргүүлж дараа нь зүгээр л мартаж орхино. Харин зарим нь тантай хамт хичнээн сар ч байсаар л байх болно. Учир нь энэ номын өгүүлж буй түүхүүд таныг өөрийн эрхгүй өөртөө татаж, больж чадахаа болиход хүргэнэ. BrightSide сайт дээр тавигдсан номын жагсаалтыг та бүхэнд хүргэж байна.
1. “The Lovely Bones” - Alice Sebold
14 насандаа цуврал алуурчинд алагдсан Сюзи охин. Тэрээр амиа алдсанаасаа хойш гэр бүл, найз нөхөд нь хэрхэн өөрчлөгдөж байгааг үхэл амьдрал гэх хоёр ертөнцийн зааг дээрээс ажих болно. Тэрээр өөрийг нь хөнөөсөн алуурчныг бариулахын тулд тэр ертөнцөөсөө хамаатнууддаа туслах болно.
2. “The Scorpio Races” - Maggie Steifvater
Арваннэгдүгээр сар бүр эхэлдэг Scorpio Races гэх уралдаанд дөрвөн удаагийн ялагч Шон Кэндрик, болон анх удаа орж буй Кэйт "Пюк" Коннолли нар эхний байрын төлөө өрсөлдөнө. Зарим нь үхэж ч болох хэрцгий уралдаанд тэр хоёрын нэг нь л ялах ёстой.
3. “The Thirteenth Tale” - Diane Setterfield
Маргарет Леа алдарт зохиолч Видагаас өөрийнх нь намтарыг бичихийг хүссэн захиаг авна. Хэдийгээр олон хүн “Miss Winter”-тэй ярилцлага хийхийг оролдож, өнгөрсөн үеийнх нь талаар илүү ихийг олж мэдэхийг хүсдэг ч тэрбээр амьдралынхаа түүхийг хэзээ ч илчилж байгаагүй.
4. “Norwegian Wood” – Haruki Murakami
...Би шөнөжингөө хөгжмийн дэлгүүрт ажиллаж байсан. Хүнд рок дуу эгшиглүүлэх мөч бүрт хиппичүүд болон гэрээсээ оргон зайлсан хүүхдүүд гадаа ирж дуулж бүжиглэн, эсвэл юу ч хийлгүй суудаг байсан. Би юу болоод байгааг ойлгохоо больсон. Тэгээд "Дэлхий дээр юу болоод байна вэ?" гэж бодсон. "Тэд үүгээрээ юуг илэрхийлэх гэж оролдоод байна вэ?”
5. “The Book Thief” - Markus Zusak
Дэлхийн 2-р дайны үед Германы Мюнхен хотод амьдарч байсан Лизель Мемингер гэх охины түүх. Лизель бол ном хулгайлах хүслээ эсэргүүцэж чаддаггүй нэгэн. Тэрээр аавынхаа тусламжтайгаар ном уншиж сурч, үгсийн хүч чадлыг ойлгон ухаардаг.
6. “Neverwhere” - Neil Gaiman
Лондонгийн гудамжны дор ихэнх хүмүүсийн хэзээ ч зүүдэлж байгаагүй тийм л газар байдаг. Тэнд үг болгон маш хүчтэй байдаг бөгөөд хэрэв тэд хаалгыг онгойлгож чадах юм бол энэ ертөнцөд орж болно. Аюултай бас харанхуй энэ газар мангас, ариун гэгээнтэн, алуурчид, тэнгэр элчүүдээр дүүрэн байдаг.
7. “Perfume: The Story of a Murder” - Patrick Suskind
Патрик Зюскиндийн бичсэн энэхүү гайхамшигт роман анх 1985 онд Швейцарьт хэвлэгджээ. Энэ ном олон хэлээр орчуулагдсан бөгөөд дэлхийн шилдэг борлуулалттай ном юм. Нууцлаг, романтик энэхүү түүхийг уншигчид, шүүмжлэгчид бүгд сонирходог.
8. “Of Human Bondage” - William Somerset Maugham
Филип Каресын амьдрал тийм ч амар байсангүй. Эхлэлээсээ л бүтэлгүйтсэн харилцаа, өөрийн амьдралын утга учрыг олох гэсэн эрэл хайгуул, багадаа алдсан эцэг эхээ үгүйлэх зэрэг түүний дотоод зөрчлийг харуулна. Филип олон хүндрэл бэрхшээлийг даван туулж, өөрийн хүссэн амьдралаа бий болгохыг хичээсээр л...
9. “The Minds of Billy Milligan” - Daniel Keyes
Билли өглөө сэрэхдээ шоронгийн өрөөнд байгаагаа ухаарав. Гэтэл тэрээр хүчирхийлэл, дээрэм хийсэн гэж яллагдсан байжээ. Харин тэр ямар ч гэмт хэрэг үйлдээгүй болохоор ихэд цочирджээ. Тэр сургуулийн байшингийн дээврээс үсрэх гэж байснаа л хамгийн сүүлд санаж байв. Гэвч Биллиг үүнээс илүү цочирдуулсан зүйл нь тэр үүнийг 7 жилийн өмнө хийсэн байжээ.
10. “The Cuckoo’s Calling” - Robert Galbraith
Нэгэн загвар өмсөгч дээд зэрэглэлийн орон сууцны тагтан дээрээсээ унаж үхсэн бөгөөд амиа хорлолтын зурвастай байжээ. Гэсэн ч түүний ах энэ дүгнэлтийг хүлээн зөвшөөрөлгүй хэргийг дахин нягтлахын тулд хувийн мөрдөгч Корморан Страйкыг хөлслөх болно.
Мэдээг бэлтгэсэн: Б.Мөнхбайгаль