Хятадын “Alibaba Group” хиймэл оюун ухаант робот бүтээжээ
Энэ бол хиймэл оюун ухаан хүний оюун ухааныг давсан анхны тохиолдол.
Хятадын “Alibaba Group” хиймэл оюун ухаант робот бүтээжээ. Роботод явуулсан судалгаагаар ой тогтоолтын чадамж нь энгийн хүнийхийг давсан байна. АНУ-ын Стэнфордын их сургуулийн эрдэмтдийн боловсруулсан ой ухааны тестийг энэхүү робот амжилттай давсан тухай "Bloomberg" мэдээллээ.
Уг тестээр уншсан зүйлийг ойлгох роботын чадварыг үнэлэх туршилтын аргыг ашиглажээ. Ингэхдээ онлайн нэвтэрхий толь “Wikipedia”-гийн 500 гаруй өгүүлэлд тулгуурлан 100 мянга гаруй асуултыг бэлтгэж, туршсан байна. Энэхүү шалгалт нь роботын их хэмжээний мэдээлэл боловсруулах чадвар болон асуултад хариулт өгч чадах эсэхийг тодорхойлох ач холбогдолтой юм. Судалгааны үр дүнд хиймэл оюун ухааны ой тогтоолтын индекс 82.4 байсан бол түүний өрсөлдөгч иргэний үр дүн 82.3 байв. “Хиймэл оюун ухаан уншсан зүйлээ ойлгох даалгаврыг биелүүлж хүний оюун ухааныг давсан анхны тохиолдол” гэж "Alibaba group" мэдэгдэв.
Судалгааны хоёр дахь өдрийн туршилтаар хиймэл оюун ухааны ой тогтоолтын индекс 82.7 болж өссөн байна. Хиймэл оюун ухаан бол зөвхөн хүний бүтээсэн програм дээр ажиллахаас гадна үр дүнтэй бие даан суралцах чадвар болон анх програм дээр суулгагдаагүй үйлдлүүдийг гүйцэтгэх чадвартай цогц систем юм.
Эх сурвалж:Tass.ru