Монгол Улсын хүн ам 2017 оны эцэст урьдчилсан дүнгээр 3.2 сая болжээ
Үндэсний Статистикийн Хорооноос мэдээллээ.
Үндэсний Статистикийн Хорооноос өнөөдөр Монгол Улсын нийгэм, эдийн засгийн үзүүлэлтүүдийг 2017 оны эцсийн байдлаар танилцууллаа.
Монгол Улсын хүн ам 2017 оны эцэст урьдчилсан дүнгээр 3.2 сая болж, өмнөх оноос 59.8 мянган хүнээр буюу 1.9 хувиар өсчээ. Улсын хэмжээнд 2017 оны байдлаар 75.734 хүүхэд төрсөн байна. Үүний 74.328 буюу 98.1 хувь нь Монгол Улсад, 1.406 буюу 1.9 хувь нь гадаадад төрсөн аж.
Төрсөн хүүхэд өмнөх оноос 3.648 (4.6%)-аар, нас барсан хүн 340 (2.1%)-өөр тус тус буурчээ. 1.000 хүнд ногдох төрөлт 23.8, нас баралт 5.0, ердийн цэвэр өсөлт 18.8 байна.
1,000 хүнд ногдох төрөлт өмнөх оноос 1.6 пункт, нас баралт 0.2 пункт, хүн амын ердийн цэвэр өсөлт 1.4 пунктээр тус тус буурчээ гэж Үндэсний статистикийн хорооноос мэдээллээ.