1 мин
Бэлгийн дарамт үзүүлсэн засуулыг шийтгэлээ
Сүмогийн холбооноос энэ асуудлыг авч хэлэлцэн, Ицүо Ноүчид гурван башё өнжих шийтгэл оноолоо.
М.Сугар-Эрдэнэ
46 
45 
29 
Өнгөрсөн жилийн өвлийн тойргийн барилдааны үеэр ахмад засуул залуу засуулд бэлгийн дарамт үзүүлсэн хэрэг гарсан билээ. Миягино дэвжээнд харьяалагддаг засуул, 58 настай Ицүо Ноүчи өнгөрсөн 12 дугаар сарын 16-нд залуу засуулыг тэврэн авч үнссэн байна. Окинавад болсон тойргийн барилдааны үеэр засуулууд ууж, ахмад засуул согтсон тул нэг залуу өрөөнд нь хүргэж өгөхөөр авч явжээ. Гэвч өрөөндөө орсон хойноо ахмад засуул залууг тэврэн, хэд дахин хүчээр үнссэн аж. КИОДО агентлагийн мэдээлснээр Ноүчи залуугаас хэдийнэ уучлал гуйсан ч өөрөө согтуу байсан тул юу хийснээ санахгүй байна гэж ярьжээ.
Сүмогийн холбооноос энэ асуудлыг авч хэлэлцэн, Ицүо Ноүчид гурван башё өнжих шийтгэл оноолоо. Мөн энэ үеэр түүнд цалин өгөхгүй байхаар шийдвэрлэжээ. Ицүо Ноүчи хэдийнэ халагдах өргөдлөө өгсөн боловч Сүмогийн холбооноос шийтгэлийн хугацаа дуустал өргөдлийг хүлээн авахгүй гэдгээ мэдэгдээд байгаа.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа