1 мин

Манай гаригийн хамгийн хүйтэн цэгүүд

Дэлхийн хамгийн хүйтэн газарт 89 градус хүрч хүйтэрдэг

Ub.life 2018.01.17

Дэлхийн хамгийн хүйтэн газарт 89 градус хүрч хүйтэрдэг. Манай гаригийн хамгийн хүйтэн цэгүүд хаана байдаг талаар уншигч та бүхэндээ танилцуулья.

1. Өмнөд туйл дахь “Дорно” бааз (Өмнөд туйл)

ОХУ-ын шинжлэх ухаан, судалгааны “Дорно” бааз өмнөд туйлд байрладаг. Тэнд тавдугаар сараас наймдугаар сар хүртэл нар үздэггүй, хамгийн хүйтэн үе нь долоодугаар сард тохиодог. Судлаачдын мэдээлж буйгаар, 1983 оны долоодугаар сарын 21-ны өдөр “Дорно” баазын температур хэмжигч багаж -89.2 хэмийг зааж байсан аж.

2. “Плато” станц (Өмнөд туйл)

1968 оны долоодугаар сарын 20-нд Америкийн шинжлэх ухааан, судалгааны станцын байрлах цэгт -86.2 хэм хүрч хүйтэрч байжээ. “Плато” станц мөн л өмнөд туйлд байрладаг.

3. Оймякон (ОХУ)

Хүн ам суурьшсан, хамгийн хүйтэн газар ОХУ-ын умард хэсэгт оршино. Оймякон сууринд 1924 онд –71 хэм хүрч хүйтэрсэн талаар Оросын эрдэмтэн Сергей Обручев онцолж байв. Тэнд хамгийн дулаан үе нь зургаа, долоодугаар сард тохиодог бөгөөд -10 хэм хүрч “дулаардаг”.

4. Верхоянск (ОХУ)

ОХУ-ын Верхоянск хот дэлхийн хамгийн хүйтэн хотуудын нэг. 1300 гаруй оршин суугчтай энэ хотод -69 хэм хүрч хүйтэрдэг агаад хамгийн хүйтэн үе, хамгийн халуун үеийн температурын зөрөө 105 хэм хүрдэгээрээ Гиннесийн дээд амжилтын номд бичигдсэн.

5. Нортайс (Гренланд)

Гренландад далайн түвшнээс дээш 2341 метрийн өндөрт байрлах Британийн судалгааны станц ажилтнуудын хэмжсэнээр тэнд -66 хэм хүрч хүйтэрсэн нь манай гаригийн хамгийн хүйтэн цэгүүдийн нэг болж байна.