2 мин

Зуныг тэсгэлгүй хүлээж байгаа хүмүүсийн сэтгэлийг бүлээцүүлэх 15 зүйл

Танд мөн үзэх кино, сонсох дууг санал болгож байна.

О.Анхзаяа 2018.01.17

Юу юугүй хавар болох нь ээ. Энэ хүйтнийг л давчихвал таван естэй золгож, амар сайхандаа жаргах гээд байна даа бид. Урин дулааныг дуудаж, үүнийгээ дагаад сэтгэлээ дэвтээвэл ямар вэ? Зуны хамгийн сайхан мөчүүдийг энд онцлоё!

1. Зуны дулаахан орой найзууд, дотнын хүмүүстэйгээ хамт гадаалж, сонин хачин ярьж суух ч сайхандаа.

2. Бороо орж, бороон дундуур ус цацруулан гүйнэ гэдэг хамгийн сайхан мэдрэмжүүдийн нэг.

3. Дугуй унан давхиж, түгжрэлгүй замаар сааталгүй явна гэдэг ёстой нэг жаргал шүү.

4. Өглөө нар мандахад эсвэл орой нар жаргаж байхад хотын гудмаар чихэвчээ сонсон алхахад урамтай. Яг л нэг киноны хэсэг шиг санагдана гээч.

5. Хөдөө тал... Цэнгэг агаар дүүрэн үзэсгэлэнт байгальд аялан, зугаалах гэхээс тэсэн ядна.

6. Шөнийн гэрэлт гудамж дахин дүүрч, дуу хөгжим, цэнгээн наадам цангинах болно.

7. Голд сэлж, голын эргийн дагуу түүдэг асаан суухад хамаг стресс хаашаа ч юм алга болчихдог.

8. Та хамгийн гоё, ганган, тансаг хувцсаа хүссэнээрээ өмсөж явж болно. Энэ чинь эрх чөлөөг бэлэглэдэг улирал шүү дээ!

9. Сайхан жазз аялгуу сонсож, энэ тэнд болох бүжгийн үдэшлэгнээс хоцрохгүй байх хэрэгтэй болно.

10. Наадам гэж сайхан баяр биднийг хүлээж байгаа. Айраг ууж, хуушуур идээд л... Өрөмтэй талх бодоход л идмээр санагдаж байна. Мөн ч сайхан даа.

11. Хүмүүс цаанаа л нэг баяр хөөртэй, амар амгалан алхацгаана. Зуны өдрүүдэд муу муухай үйл явдал ч болохгүй мэт... Хамгийн сайхан дурсамжууд энэ үед л бүтдэг гэлтэй.