Улаанбаатарт “ОХУ 2018” ДАШТ-ий ордон нээгдлээ
Энэ төвд нийслэлчүүд ДАШТ-ий талаарх бүх мэдээллийг авч болох юм.
Энэ сарын 17-нд Улаанбаатарын Оросын шинжлэх ухаан соёлын төвд ирэх зун ОХУ-д болох хөлбөмбөгийн ДАШТ-д зориулсан “RUSSIA 2018” хөгжөөн дэмжигчдийн төв нээлтээ хийлээ. Энэ төвд нийслэлчүүд ДАШТ-ий талаарх бүх мэдээллийг авч болох юм.
ДАШТ-д 32 орны баг оролцож, Оросын 11 хотын 12 цэнгэлдэх хүрээлэнд тоглолтууд явагдана. РЦНК-д хөгжөөн дэмжигчдийн төв байгуулсан зорилгынхоо талаар тус төвийн тэргүүн Евгений Михайлов “Зөвхөн хөлбөмбөгтэй холбоотой мэдээлэл биш тоглолт явагдах хотуудын талаар ч хүмүүс энд сонирхон судлаж болно. Манай улсын түүх, соёлыг монголчууд сайн ойлгоосой гэж хүсч байна” гэж ярьсан байна.