Их аварга Хакүхо гэмтлээ
Хакүхо өнөөдрөөс эхлэн Хацү башёг орхиж байна.
Миягино дэвжээний их аварга Хакүхо өнөөдрөөс эхлэн Хацү башёг орхиж байна. Хакүхо нийт 7 удаа башё өнжиж байснаас 5 нь ёкозүна цол хүртсэнээс хойш тохиолдож байгаа ажээ.
Хакүхо энэ тэмцээний эхний өдөр бэлтгэл дээр баруун хөлний эрхий хуруугаа гэмтээсэн бол өчигдөр Ёшиказэтэй барилдахдаа зүүн хөлийн эрхий хуруугаа гэмтээж, ордноос гарахдаа туслах бөхчүүдээ түшин явж байсан юм.
Миягино ояката “Хавдрыг нь буутал хүлээсэн боловч буухгүй байсан тул эмнэлэгт үзүүлсэн. Өөрөө барилдмаар байна гэсэн ч аварга хүн гэмтэлтэй барилдаад унаад байж болохгүй. Эмч нар 2 долоо хоног эмчлүүлэх онош тавьсан” гэж сэтгүүлчдэд мэдээллээ.