Өвлийн олимпоор ХОЁР СОЛОНГОС нэг далбаан дор алхана
Тэд өмнө нь 2000, 2004, 2006 оны наадмуудад хамтран орж байсан түүхтэй.
Өвлийн олимпийн наадам хоёрдугаар сарын 9-25-ны өдрүүдэд Өмнөд Солонгосын Пёнчанг хотод болох билээ. Тус наадамд Хойд ба Өмнөд Солонгосын баг тамирчид нээлт, хаалтын үйл ажиллагааны үеэр нэг далбаан дор оролцохоор болсноо мэдэгдээд байна. Хоёр улс Солонгосын хойгийн газрын зургийг дүрсэлсэн “дундын” далбаатай байх бөгөөд энэ нь хоёр улсын эв найрамдлыг илтгэх юм.
Хоёр улс өмнө нь 2000, 2004, 2006 оны наадмуудад хамтран орж байсан түүхтэй.
Мөн энэ удаагийн өвлийн олимпийн наадмаар Хойд Солонгосын дээд албан тушаалтнууд, баг тамирчид, хөгжөөн дэмжигчид, хэвлэл мэдээллийн ажилтнууд өргөнөөр оролцож буйгаараа онцлог юм.
Энэ сард болсон хоёр улсын дээд хэмжээний уулзалтаар олимпийн наадмаас гадна хэд хэдэн үйл ажиллагаанд хамтрах шийдвэрийг эрх баригчид гаргасан юм.
Үүнд,
-Хил орчим дахь хоёр улсын мөргөлдөөнөөс урьдчилан сэргийлэх зорилгоор удаа дараа шатлалтай үйл ажиллагаа явуулах.
-Олон улсын хүмүүнлэгийн байгууллагаар дамжуулан Солонгосын дайны үеэр тусгаарлагдсан хоёр улсын иргэдийг ах дүүс, төрөл төрөгсөдтэй нь уулзуулах. Үүнийг Цагаан сартай уялдуулан зохион байгуулах зэрэг юм.
Эх сурвалж: news.sky.com