Доналд Трампын 1 жилийн ойг дүгнэх 9 үйл явдал
Өнөөдөр Доналд Трамп АНУ-ын Ерөнхийлөгч болсны 1 жилийн ойг Америк улс тэмдэглэж байна.
Өнөөдөр Доналд Трамп АНУ-ын Ерөнхийлөгч болсны 1 жилийн ойг Америк улс тэмдэглэж байна. Энэ нэг жилийн дотор болсон хамгийн чухал 9 үйл явдлыг танилцуулья.
1. Трампын татварын шинэчлэл. Трампын гаргасан шинэ хуулиар жирийн америкчуудын болон бизнесийн татвар ихэд багасах юм.
2. Оросын эсрэг мөрдлөгө Трампын үед идэвхжлээ. Сонгуульд оросууд нөлөөлсөн эсэх талаар тусгай алба, Конгресс мөрдлөгө шалгалт хийж байна.
3. Ирантай цөмийн гэрээгээ сунгалаа. Иранд дургүй нь ил тод байдаг ч Трамп ямар ч гэсэн Ирантай гэрээгээ сунгаж, дарамт үзүүлсэн хэвээр байгаа.
4. Охин, хүргэнээ зөвлөхөөр томилсон. Жон Кеннедигийн үед Роберт Кеннеди Хууль зүйн яамыг толгойлж байснаас хойш Ерөнхийлөгч хамаатан саднаа Засгийн газрын бүрэлдэхүүнд авч байгаа тохиолдол.
5. Холбооны мөрдөх товчооны дарга Жеймс Комиг халсан. Өрсөлдөгч Хилларигийн эсрэг мөрдлөгө шалгалт хийхийг шаардсан ч тэр захирагдаагүй тул халж орхисон.
6. Obamacare-г өөрчиллөө. Трамп эхний жилдээ л Обамагийн бүтээсэн гол зүйл болох эмнэлгийн хямд даатгалыг цуцалсан.
7. Цаг агаарын өөрчлөлтийн Парисийн хэлэлцээнээс гарсан. Трамп энэ хэлэлцээг огт ашиггүй зүйл гэж тодорхойлсон.
8. Хамгийн эхний гаргасан хэдэн зарлигийн нэгээрээ 7 орноос дүрвэгч цагаач авахгүй гэж зарласан. Чад, Сомали, Йемен, Ирак, Ливи, Венесуэл, Хойд Солонгос улсууд түүний засгийн эрхэнд гарсан эхний өдрөөс л ийнхүү ад үзэгдсэн билээ.
9. Ерөнхийлөгчийн сонгуульд ялж чадсан нь Трампын гол амжилт байлаа. Сонгуульд огт оролцож байгаагүй бизнесийн ертөнцийн хүн ялалт байгуулсан нь дэлхий нийтийн хувьд шок байв.