мин

Николас Кейж ашиггүй наймаа хийсээр өрөнд оржээ

“Өдөрт 10 доллар зардаг болсон” хэмээн The Daily Mail мэдээлжээ.

М.Сугар-Эрдэнэ 2018.01.21 35 12 5

“Америкийн жүжигчин Николас Кейж сүүлийн долоон жилийн дотор хөрөнгө мөнгөнийхөө ихэнхийг алджээ” гэж The Daily Mail мэдээллээ.
2010 онд түүний хөрөнгө 150 сая ам.доллараар үнэлэгдэж байсан бол одоо тэр өртэй. Дампуурсан шалтгаан нь түүний хийсэн хачирхалтай наймаанууд.
Кейж тансаг хэрэглээний зүйлд маш их мөнгө зарсан. Жишээ нь, тэр Ираны шах Мохаммад Пехлевигийн унаж байсан 1971 оны Lamborghini машиныг худалдаж авснаас гадна Африкийн пигмеи омгийнхны хатаасан толгойг олноор нь авч байлаа. Дотны найз Леонардо ди Каприо нь үлэг гүрвэлийн яс худалдан авахад дууриагаад л бас үлэг гүрвэлийн яс сонирхож эхэлсэн юм. Харамсалтай нь түүний авсан яс манай улсаас хулгайгаар гаргасан эд болж таараад үлэг гүрвэлийн ясаа эргүүлэн өгөхөөс өөр аргагүй болсон.

Кейж гэртээ зэрлэг амьтны хүрээлэн байгуулахаар шийдэж, кобра могой, наймаалж, аварга загас, матар худалдан авсан ч бүгд үхжээ. Дараа нь 1.6 сая доллараар комикисийн цуврал худалдан авсан ч 2000 онд гэрээсээ хулгайд алдсан байна. Үл хөдлөх хөрөнгийн наймаа нь ч түүнийг дампуурахад том нөлөө үзүүлсэн. Нэг хэсэг Кейж 15 байшинтай байлаа. Гэвч 2008 оны хямралын дараа үнэ нь унаж, мөн л хохирол амссан.
“Баян тансаг амьдарч сурсан Кейж сүүлийн үед тун тарчигхан явдаг болсон. Өдөрт 10 доллар зардаг болсон” хэмээн The Daily Mail мэдээлжээ.

М.Сугар-Эрдэнэ 2018.01.21