2018 онд трэнд болох гарааны бизнесийн 10 САНАА
Энэ онд өөрийн бизнесийг эхлүүлэхээр төлөвлөж байна уу?
Энэ онд өөрийн бизнесийг эхлүүлэхээр төлөвлөж байна уу? Тэгвэл танд 2018 онд олон улсад хамгийн эрэлттэй байх 10 бизнесийн санааг Business Insider сайтын гаргаснаар хүргэж байна.
1. Сэлфи дрон
Ухаалаг гар утасны хэрэглээ өргөжихийн хэрээр гар утасны дагалдах хэрэгслийн хэрэгцээ нэмэгдэж байна. 2018 оны төгсгөл гэхэд 600 мянга гаруй сэлфи дрон болон сэлфи гар, камер зарагдах төлөвтэй судалгаа гарчээ. 2020 он гэхэд энэ төрлийн бүтээгдэхүүний үйлдвэрлэл 126 сая ам.долларт хүрэх юм.
2. Ухаалаг цаг
2018 онд дэлхий даяар 141 сая ухаалаг цаг борлогдох төлөвтэй байна. 2019 он гэхэд энэ төрлийн бүтээгдэхүүн 53.2 сая ам.долларын зах зээлтэй болох юм. Ингэхдээ олонх хэрэглэгч зах зээлд тэргүүлэгч брэндүүдээс гадна гарааны, шинэ содон төхөөрөмжийг илүүд үзнэ гэсэн судалгаатай байна.
3. Интернет холболттой чихэвч
2016 оноос хойш интернет холболттой чихэвч үйлдвэрлэгч, борлуулагч компаниуд энгийн чихэвч үйлдвэрлэгчдээс 7.0 хувиар илүү ашигтай ажиллажээ. Тэгвэл энэ онд уг үзүүлэлт гэрлийн хурдаар нэмэгдэх юм.
4. Цай
Дэлхий нийт кофеноос татгалзаж цайны эрин үе рүү хэлбийх шинжтэй болж байгааг судлаачид онцолжээ. Ялангуяа Япон, Солонгосын ногоон цай энэ онд тун эрэлттэй байх аж. Фэйсбүүкийн сурталчилгаанд ч энэ төрлийн бүтээгдэхүүн нэмэгдсээр байна.
5. Сахалны тос
Эрчүүдийн арьс арчилгаа, гоо сайхны бүтээгдэхүүний эрэлт хэрэгцээ энэ онд хурдтай нэмэгдэнэ. Ялангуяа сахалны тосны эрэлт ихсэх тул мэргэжилтнүүд гарааны бизнес эрхлэгчдэд энэ төрлийн бүтээгдэхүүнийг санал болгож байна.
6. Кафе
Уушийн газар, кафе, номын сан, лекц семинарын танхим хосолсон гарааны бизнес энэ онд “трэнд” болсоор байх аж.
7. Явуулын цэнэглэгч
2022 он гэхэд суурин цэнэглэгч зах зээлээс шахагдан, үүний оронд “Power bank” буюу явуулын цэнэглэгч дангаарших юм. Интернет хэрэглэгчдийн 80 хувь нь өөрийн явуулын цэнэглэгчтэй болох учир шинэ гарааны бизнес өөрийн брэндийг үүсгэхэд хамгийн тохиромжтой цаг 2018 он гэж үзжээ.
8. Үүргэвч
Эрэгтэй, эмэгтэй, хүүхдийн зэрэг бүх төрлийн үүргэвчүүд энэ онд эрэлттэй байх төлөвтэй. Учир нь олон албан тушаалтан, мэргэжилтнүүд зөөврийн компьютер авч явдаг болох тул үүргэвч хүн бүрийн хэрэглээ болох юм. Зарим байгууллага, брэндүүд өөрийн нэрийн үүргэвчтэй болох нь үр ашигтай байх гэнэ.
9. “Мууран” нарны шил
Энэ оны загварын хамгийн том трэнд “мууран” гэх тодотголтой байх юм. Өнгөрсөн жилд 3.5 сая ширхэг энэ төрлийн нарны шил борлогджээ. Энэ онд ч энэ тоо буурахгүй бөгөөд гарааны бизнес эрхлэгчид томоохон орон зай буйг мэргэжилтнүүд онцолж байна.
10. Гар утасны гэр
Гар утасны гэр үйлдвэрлэгчид өөр өөрсдийн давуу тал, онцлогийг бүтээх боломжтой байдаг учир гарааны бизнест хамгийн тохиромжтой санаа юм. Учир нь энэ төрлийн бүтээгдэхүүний ашиг орлого гар утас үйлдвэрлэгчдээс даруй 20.5 хувиар илүү байх төлөвтэй байна.