2 мин

2018 онд заавал аялах ёстой 10 газар

Шинэ Орлеан 2018 онд 300 жилийн ойгоо тэмдэглэж байгаа.

М.Сугар-Эрдэнэ 2018.01.23 25 21 18

53

“The New York Times” энэ жил заавал аялах ёстой газруудын жагсаалтыг гаргажээ. Нийт 52 хот, улс багтсан тул 12 сарын дотор амжиж бүгдийг нь үзэж чадахгүй нь лавтай. Тэгвэл та ядаж чансааны эхний 10-т орсон газруудаар аялаарай.

10, Шотландын Глазго хот.

Дундад зууны барилгууд нь хадгалагдан үлдээгүй ч XIX-XX зууны үеийн барилга байшин ихтэй. Дээр нь гүүр. Клайд голыг та маш олон стилийн хэдэн арван гүүрээр гаталж болно. Зургаадугаар сард “West End” наадам эхэлж, гудамж талбайд жүжиг, концерт, багт наадам болдог.

9, Бутан.

Дзоги хэмээх чулуун сүм хийд, цайз үзнэ. Хүндрэлтэй тал нь маш хаагдмал орон тул жирийн жуулчин очиход хэцүү.

8, АНУ, Огайо, Цинциннати хот.

Түүхэн архитектур сонирхдог хүн хэзээ ч уйдахгүй хот. Хуучин төмөр замын вокзалын байранд байрладаг Уран сайхны музейг дурдаж болно.

7, Өмнөд Солонгосын Канвондо муж.

Энд өргөн тал, уул нуруу бий ч гол нь өвлийн олимп болох онцлогтой. Буддын сүм хийдээс гадна олимпод зориулсан спортын сайхан цогцолборуудтай.

6, Фирвальдштетск

2018 онд заавал очих газрын жагсаалтад Швейцарийн Фирвальдштетск нуур багтаж байна. Уулын цанын Штос баазад дэлхийн хамгийн эгц агаарын лифт байгаа. Зрим газарт 110° эгц ч лифтний шал нь зорчигчдыг замын турш босоо байдалтай явахаар хийгджээ.

5, Чили

Чилйн Засгийн газраас Онцгой хамгаалалттай газруудынхаа нутгийг нэмэгдүүлэхийн тулд “Хүрээлэнгийн гинж” хэмээх 2 мянган км урттай жуулчлалын маршрут гаргасан байна. Энд уул, гол, нуур гээд Патагоний бүх үзэсгэлэн бий.

4, Карибийн тэнгисийн орнууд

“Ирма” хар салхины улмаас алдсан жуулчдаа эргүүлэн авахаар бүхнийг хийж байна. Гэгээн Мартин арлын Юлиана гүнжийн нисэх буудал хэдийнэ  ажиллаж эхэлсэн. Түүх, архитектур сонирхдог хүмүүсийг Куба хүлээж байна. Алдартнууд, тэрбумтнуудын харш, зуслан байрласан Доминикан, Хаити, Пуэрто-Рико, Ямайка болон хувийн олон арлууд гээд уйдах цаг танд гарахгүй.

3, Базиликата

Шилдэг гурвын эхэнд Италийн өмнө зүгийн хот Базиликата оржээ. Эртний сүм, цайз, 60 градус налуу гудамж,  жижигхэн кафе, үзэсгэлэнт байгальтай энэ газар Неаполь хотоос 150 км-ын зайтай.

2, Колумб

“Мөнгөн” медалийг Колумб орон авлаа. Аюулгүй байдал баталгаагүй ч зориглоод үзэхэд алдаа байхгүй.

1, Шинэ Орлеан

АНУ-ын Шинэ Орлеан 2018 онд 300 жилийн ойгоо тэмдэглэж байгаа. “Катрина” хар салхинаас ихээхэн хохирол амссан ч хот ойгоо сүртэй тэмдэглэхээр зэхэж байна.

М.Сугар-Эрдэнэ 2018.01.23

53