Ирээдүй нэгэнт ирснийг батлах шинэ бүтээлүүд
Заримыг нь харахад 20-30 жилийн дараа очсон мэт сэтгэгдэл төрөх аж.
Энэ сарын эхээр АНУ-ын Лас-Вегаст болсон “CES 2018” үзэсгэлэн ирээдүйн олон шинэ технологи, бүтээгдэхүүнийг танилцууллаа. Заримыг нь харахад 20-30 жилийн дараа очсон мэт сэтгэгдэл төрөх аж.
1. Нисдэг такси
“Intel” компанийн бүтээл энэ таксиг гар утсаараа хэзээ ч дуудаж болно. Нийтэд зориулан олноор нь үйлдвэрлэхэд хүндрэлтэй. Учир нь маш олон зөвшөөрөл авах хэрэгтэй болно.
2. Жолоочгүй цахилгаан машин
Toyota компаниас гаргасан энэхүү эко микро автобусыг 2020 онд үйлдвэрлэж эхэлнэ.
3. Ухаалаг мотоцикл
Yamaha компани мотоцикл сонирхогчдын үе үеийн мөрөөдлийг биелүүлсэн. Тусгай төхөөрөмжтэй энэ мотоцикл хэзээ ч унадаггүй. Өөрөө зогсоолд орж, дуудахаар эзэн дээрээ давхиад очдог ухаантай эд.
4. Далд мэдрэмжтэй эмпат робот
Honda компани шинэ роботоо танилцуулсан. Энэ робот хүний сэтгэлийн хөдөлгөөнийг тайлан уншдаг төдийгүй өөрөө ч сэтгэлийн хөдлөл тун ихтэй. Тэр уйлж болно, эсвэл инээмсэглээд тантай өөрөг зураг авахуулж чадна. Зөөлөн материалаар хийсэн тул хэцүү үед тэвэрч, сэтгэлээ тайтгаруулж болно.
5. Голографик селфи
Holo Messenger өөрөг зургийн салбарт шинэ үе эхлүүлнэ гэж амалж байна. Энэ шинэчлэлийн ачаар та селфи авахдаа зөгнөлт кинон дээр гардаг шиг л дүрсээ урдаа харах боломжтой.
6. Зүүд хянадаг дэр
Nokia компанийн энэхүү дэр ухаалаг утастай холбогдон, таны зүүд нойрны дэглэмийг хянаж, яавал сайн унтах, хэрхэн ядаргаагаа тайлах талаар зөвлөгөө өгнө.
7. Хэмжээ нь өөрчлөгддөг телевиз
Samsung компанийн бүтээл. Хэрэглэгч өөрөө хүссэн хэмжээндээ тохируулан, зурагтаа өөрчлөнө.
8. Тураах чихэвч
Турах хамгийн орчин үеийн аргыг Modius танилцуулсан. Чихэвчнээс таны тархинд дохио явуулах бөгөөд тархи дохиог яг жинхэнэ биеийн хүчний ажил, дасгал хийсэн мэт хүлээн авах тул өөх тос хайлж, турна.