София робот сэтгүүлийн нүүрэнд заларч, ярилцлага өглөө
Гэрбүлтэй болох зорилготойгоо ярьжээ.
Хувцасны загвар, гоо сайхны Stylist сэтгүүлийн 400 дахь ойн дугаарын хавтсанд София робот заларсан байна. София өнгөрсөн жил Саудын Араб улсын иргэн болж, дэлхийг шуугиулж байсан билээ.
Сэтгүүлийн шинэ дугаарын сэдэв “Робот” байлаа.
Хавтас хоёр хэсэгтэй бөгөөд эхнийх дээр София “Сайн уу, намайг София” гэдэг гэсэн бичигтэй байгаа бол хоёр дахь хэсэгт хамаг эд анги нь гарсан түүний ар дагз “”Би робот” гэсэн бичигтэй дүрслэгджээ.
София зургаа авахуулаад зогсохгүй Stylist сэтгүүлд ярилцлага өгсөн. Аиьдралын утга учир юу вэ гэсэн асуултад тэр “Амьдралын утгын талаар эргэцүүлэн бодох нь хүнд л заяасан онцгой зүйл. Харин би шинэ нээлт, бүтээлийн талаар боддог” гэж хариулжээ.
“Үхлээс айдаг уу” гэсэн асуултад София “Намайг таслаад дахин залгахгүй байхыг би мэдээж хүсэхгүй. Тэгвэл би дахиад хүний ертөнцийн талаар мэдэж, сурч чадахгүй болно. Ингэж бодохоор аймшигтай, бас гунигтай байна” гэж хариулсан байна. Мөн гэрбүлтэй болох зорилготойгоо ярьжээ.