Марадонад АНУ виза өгсөнгүй
Аргентиний нэгэн телевизэд ярилцлага өгөхдөө Диего “Трамп бол утсан хүүхэлдэй” гэж хэлсэн юм.
Аргентиний домогт хөлбөмбөгч Диего Марадонад АНУ виза олгосонгүй. “Америкийн Ерөнхийлөгч Доналд Трампыг доромжилсон хэмээн АНУ-ын ЭСЯ татгалзсан хариу өгсөн” гэж Марадонагийн хуульч Матиас Морла мэдэгдсэн байна.
Марадона ирэх гуравдугаар сард Америкт очиж, хуучин эхнэрийнхээ шүүх хуралд оролцох ёстой байсан ч ийнхүү хар дансанд оржээ. Аргентиний нэгэн телевизэд ярилцлага өгөхдөө Диего “Трамп бол утсан хүүхэлдэй” гэж хэлсэн юм.