22 настай залуу Казахстаны миссийн финалд шалгарчээ
Бооцоо тавьсан болохоор л оролцсон гэж тэр ярьж байна.
Казахстаны Алматы хотын нэгэн сэргэлэн залуу Сайхан бүсгүй шалгаруулах уралдаанд оролцоод финалд шалгарсан байна.
Танилцацгаа. Энэ бол загвар өмсөгч Илай Дягилев. Тэр саяхан болсон "Miss Virtual Kazakhstan 2018” уралдааны шөвгийн шатанд шалгарч чадсан юм. Тэр яаж чадав? Гол нь Илай яагаад Казахстаны гоо бүсгүйчүүдтэй өрсөлдөхөөр шийдэв?
Бооцоо тавьсан болохоор л оролцсон гэж тэр ярьж байна. Илайд орчин үеийн охид бүсгүйчүүдийн өмсдөг хувцас, загвар огт таалагддаггүй аж. Ижилхэн хувцас, нүүр засал гээд нэг нэгнээсээ огт ялгагдахгүй байгаа гэж тэр үздэг бөгөөд уралдаанд оролцох эмэгтэйчүүдийг ялж чадна гэж нэгэн найзтайгаа бооцоо тавьжээ. Ингээд зургаа Арина Алиева нэрээр илгээсэн байна. Арина олон хүнд таалагдаж, хүмүүс санал өгсөөр нэг мэдэхэд финалд шалгаран үлдсэн байжээ.
"Финалд шалгараад би арай хэтэрлээ гэдгээ ойлгосон. Ингээд Арина бол эрэгтэй хүн гэдгийг илчилсэн юм. 4000 бүсгүй оролцож байхад би финалд шалгарч байдаг” гэж Илай сэтгүүлчдэд ярьсан байна. Мэдээж “Miss Virtual Kazakhstan-2018” уралдааны зохион байгуулагчид Аринаг тэмцээнээс хассан.