Засгийн газар Оюутолгойн 34 хувиа “Рио тинто”-д зарах тохиролцоо хийсэн гэв


  |     2016-11-17 21:40   |     775
  2016-11-17 21:40   |     775

“Deutsche” банкны шинжээч Паул Ёнг “Рио тинто” компани Монголын Засгийн газраас Оюутолгойн 34 хувийг худалдан авах тохироо хийсэн байж магадгүй” гэжээ. Энэ тухай www.theaustralian.com.au уламжилсан байна. 

“Рио тинто” компанийн гүйцэтгэх захирал Жан-Себастьян Жак Монголын Оюутолгой зэс, алтны төсөлд эзэмшдэг эзэмшлээ нэмэхээр шаргуу ажиллаж байгаа тухай “Deutsche” банкны шинжээч Паул Ёнг онцолж байна. Тэрбээр саяхан аварга уурхайд зочилж, үйл ажиллагаатай нь танилцсан юм. 

Риогийн үнэт цаасны багцад багтаж буй хамгийн амжилттай төслүүдийн нэг нь Оюутолгой ба дэлхийн хамгийн том зэсийн уурхай юм. Гэхдээ “Рио тинто” компани тус төслийн ердөө 34 хувийг эзэмшдэг. Тэд Оюу толгой төслийн 66 хувийг эзэмшигч “Turquoise Hill Resources” компанийн 51 хувийг эзэмших замаар тус уурхайн үйл ажиллагаанд оролцдог гэсэн үг. Харин Монголын Засгийн газар Оюутолгой төслийн 34 хувийг эзэмшиж байна. 

Мозамбикт нүүрсний төсөл хэрэгжүүлсэн нь “Рио тинто” компанийг  алдагдалд оруулсан. Тиймээс Рио “Turquoise Hill”-ийг худалдан авч, санхүүгийн тайлангаа тэнцвэржүүлнэ гэж Паул Ёнг үзэж байна. 

Мөн тэрбээр Монголын Засгийн газрын эзэмшилтэй холбоотой тохиролцоо “Рио тинто”-д байгаа гэдэгт итгэлтэй байгаа юм. 

Тэрбээр Монгол Улсын Засгийн газар төсөлд эзэмшиж буй 34 хувьтайгаа тэнцэх хэмжээний ирээдүйн мөнгөн урсгалыг эргүүлж төлөх тухай тэмдэглэсэн. Монгол Улсын Засгийн газар 2040 он хүртэл ногдол ашиг хүртэхгүй(Татвар болон роялтиг Засгийн газарт төлнө ). Тэгэхээр Засгийн газрын эзэмшилд буй хувиа зарсан нь Монгол улсад ашигтай гэж Паул Ёнг тайлбарлаж байна. 

 


Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

Рио Тинто Монгол дахь үйл ажиллагаагаа өргөжүүлнэ

Рио Тинто групп Улаанбаатар хотод шинэ оффис нээж байгаа бөгөөд 2018 оны турш тус газрыг ная гаруй монгол ажилтантай болгож өргөжүүлнө.

  2018-01-20 10:29

“Оюу толгой” дотоодод нийт 7 тэрбум ам.доллар зарцуулжээ

“Оюу толгой” компани өнгөрсөн оны гүйцэтгэлийн тойм мэдээгээ өнөөдөр танилцууллаа.

  2018-01-19 09:12

ЕРӨНХИЙ САЙД БУРИАД УЛСЫН ТЭРГҮҮН ЦЫДЕНОВ АЛЕКСЕЙ САМБУЕВИЧИЙГ ХҮЛЭЭН АВЧ УУЛЗЛАА

Уулзалтын үеэр аялал жуулчлал, соёл, хүмүүнлэгийн хамтын ажиллагааны талаар ярилцлаа.

  2018-01-19 02:11