1 мин
Цаг агаар муу байх нь ажлаас хоцрох хүндэтгэх шалтгаан
Ийм шалтгаанаар ажлаас хоцорсон ажилтанд сахилгын шийтгэл оноож болохгүй гэнэ.
ОХУ-ын Хөдөлмөрийн албанаас “Цаг агаарын хүндрэл, хүндрэлээс үүссэн түгжрээ нь ажлаас хоцрох хүндэтгэх шалтгаан болно” гэж мэдэгдлээ. Ийм шалтгаанаар ажлаас хоцорсон ажилтанд сахилгын шийтгэл оноож болохгүй гэнэ.
Энэ сарын эхээр нийслэл Москва орчмоор 100 жил ороогүй их цас буусны улмаас замын хөдөлгөөнд ихээхэн саад учраад байгаа юм. Өнгөрсөн амралтын өдрүүдэд 42,5 мм хур тунадас орсон нь сарын дунджаас даруй 118 хувиар их байна. Нийслэл Москвад 2000 гаруй мод унаж, нэг хүн амь насаа алдан, олон хүн гэмтээд байгаа билээ.