ФОТО: Дэлхийн хамгийн үсэрхэг эр гэрлэжээ
Ларри Гомесийн биеийн 98 хувь нь үсээр хучигдсан.
Энэ хүн бол дэлхийн хамгийн үсэрхэг эр. АНУ-ын Калифорни мужийн Сан-Бернардиногийн иргэн Ларри Гомесийн биеийн 98 хувь нь үсээр хучигдсан.
Нүүрнээс эхлээд бүх бие нь үс тул “Хүн чоно” хэмээн олон жил дооглуулж, доромжлуулж явсан ч Ларри Гомес сүүлийн үед харин үсээрээ бахархдаг болжээ.
Тэр төрөлхийн гипертрихоз өвчтэй төрсөн. Ийм өвчтэй хүн дэлхийд ердөө 100 бий. Үүний гурав нь Гомесийн гэрбүлийн гишүүн.
“Water for Elephants” кинонд Риз Уизерспун, Роберт Паттинсон нартай тоглосноосоо хойш тэр Холливудад алдартай болсон.
2000 оны хоёрдугаар сард Гомес гэрбүлийнхний хамт Гиннесийн номонд бичигдсэн. Түүний ах Габриэл Мексикийн циркт ажилладаг.
Кинонд тоглон, өөртөө итгэлтэй болсныхоо ачаар Гомес саяхан гэрлэсэн. Ирээдүйн эхнэртэйгээ тэр 2011 онд байр хайж яваад танилцжээ.