мин

Forbes: Криптовалютийн хаад

Чансааг тэргүүлсэн Крис Ларсен бол криптовалютийн Ripple платформыг үүсгэн байгуулагч.

М.Сугар-Эрдэнэ 2018.02.08 45 44 43

Биткоин хэрэгтэй, хэрэггүй, криптовалют бол залилан гэх зэргээр биднийг ярьж байх хооронд криптовалютаар тэрбумын хөрөнгө хэдийнэ босгосон хүмүүс байна. Америкийн Forbes анх удаагаа криптовалютийн зах зээл дээр баяжсан хүмүүсийн жагсаалт гаргасан нь ч хүссэн хүсээгүй энэ шинэ валютийг хүлээн зөвшөөрөхөөс өөр аргагүй болсныг илтгэн харуулж байна. Чансаанд нийт 19 хүн багтсан. 17 дугаар байрт хойд хөршийн Виталик Бутерин оржээ. Энэ эрхэм  Ethereum хэмээх криптовалют гаргасан нь нэр хүндээр биткоиний дараа орж байна. Одоогийн байдлаар түүний валютийн нийт үнэлгээ 81 тэрбум доллар, өөрийнх нь хөрөнгө 400-500 сая долларт хүрээд байгаа аж.
Чансааг тэргүүлсэн Крис Ларсен бол криптовалютийн Ripple платформыг үүсгэн байгуулагч. Ларсений хөрөнгө 7,5-8 тэрбум ам.доллар. Түүний дараа ConsenSys компанийн үүсгэн байгуулагч Жозеф Любин 5 тэрбум доллар, криптовалютийн бирж Binance-г үүсгэн байгуулагч Чанпен Чжао 2 тэрбумаар орсон байна.

Ripple платформыг үүсгэн байгуулагч Крис Ларсен

ConsenSys компанийн үүсгэн байгуулагч Жозеф Любин

Криптовалютийн бирж Binance-г үүсгэн байгуулагч Чанпен Чжао

Ах дүү Кэмерон, Тайлер Уинклвоссууд 2012 онд Марк Цукербергээс шүүхдэж авсан 65 сая долларын зарим хэсгийг биткоинд оруулсан юм.

XRP-ийн хөрөнгө оруулагч Мэттью Меллон

Криптовалютийн Coinbase биржийн тэргүүн Брайан Армстронг

Bloq стартапын үүсгэн байгуулагч Мэтью Рожак

Ethereum-ийг үүсгэн байгуулагчдын нэг Энтони Ди Иорио

Bitcoin Foundation-ий тэргүүн Брок Пирс

Galaxy Digital-ийн захирал Майкл Новограц

BitFury компанийн үүсгэн байгуулагчдын нэг Валерий Вавилов

Ethereum-ийг үүсгэн байгуулагчдын нэг Виталий Бутерин

М.Сугар-Эрдэнэ 2018.02.08