Хятадын цагдаа нар ухаалаг нүдний шилтэй болжээ
Долоо хоногийн дотор эрэн сурвалжлагдаж байсан 7 хэрэгтэн, хуурамч бичиг баримттай 26 хүнийг баривчилж чаджээ.
Хятадын Чжэнчжоу хотын төмөр замын буудлын цагдаа нар эргүүлд гарахдаа тусгай ухаалаг шил зүүдэг болжээ. Энэхүү ухаалаг шил нь эрэн сурвалжлагдаж байгаа гэмт хэрэгтнүүдийн зургийг хүмүүстэй харьцуулан, шинжилгээ хийж, яаж ч зүсээ хувиргасан таньдаг шидтэй гэнэ.
Шинэ шилний ачаар цагдаа нар долоо хоногийн дотор хүний наймаа болон ослын газраас зугатан, эрэн сурвалжлагдаж байсан 7 хэрэгтэн, хуурамч бичиг баримттай 26 хүнийг баривчилж чаджээ.
Ухаалаг шилийг энэ сарын 1-нээс хэрэглэж эхэлсэн. Учир нь Цагаан сарын өмнө төмөр замын зорчигчдын тоо нэмэгдэж, гэмт хэрэгтнүүд нуугдаж байгаа “үүрнээсээ” гарах магадлал өндөр байдаг гэнэ.